OQO: Arysta kún elektr stansasy salynady
ASTANA. QazAqparat - Ońtústik Qazaqstan oblysynyń Arys qalasynda qýaty 14 megavatt bolatyn kún elektr stansasy salynady, dep habarlaıdy oblystyq ákimdiktiń baspasóz qyzmeti.
Stantsııa qurylysyna shamamen 12 mıllıon dollar bólinetin bolady. Mundaı kelisimge 13 qańtarda ótken Abý-Dabıdegi IRENA assambleıasynyń segizinshi sessııasynda QR Energetıka mınıstrligi qol jetkizip otyr.
Nátıjesinde Eýropalyq qaıta qurý jáne damý banki (EQQDB) frantsýzdyq Urbasolar SAS kompanııasynyń Qazaqstandaǵy kún elektr stansasyn (SES) salýǵa arnalǵan jobasyn qoldaý úshin 8,8 mln AQSh dollary shamasynda nesıe bóletin bolsa, al taza tehnologııalar qory jeńildetilgen 3,9 mln. AQSh dollary kólemindegi qarjymen qamtamasyz etpek.
Jobany «Kaz Green Tek Solar» JShS-niń arnaıy jobalyq kompanııasy júzege asyratyn bolady. Al onyń negizgi aktsıoneri Urbasolar SAS kompanııasy bolyp tabylady.
Jańa «Zadarııa» kún elektr stansasy Qazaqstannyń energetıkalyq teńgerimine kún energııasyn óndirýge arnalǵan qýattylyqty 14 MVt-qa arttyrmaq, sonyń nátıjesinde qoldanystaǵy jáne josparlanǵan qalpyna keletin energııa generatorlarynyń jalpy belgilengen qýaty 365 MVt-qa jetetin bolady.
«Biz Qazaqstan men Ortalyq Azııada fotovoltaıkı tehnologııasy elektr energııasy óndirisinde óte mańyzdy ról atqaratynyna senimdimiz. Bul joba kún qondyrǵysynyń tehnıkalyq sıpattamalary men ekonomıkalyq tıimdiligin kórsetedi. Biz osy jobany júzege asyrý úshin 4 jyl boıy daıyndyq jumystaryn júrgizdik», - dedi Urbasolar SAS kompanııasynyń prezıdenti Arno Mın.
Aıta keteıik, búginde Ońtústik Qazaqstan oblysynda Elbasymyz bekitken «Jasyl ekonomıkaǵa kóshý» kontseptsııasy nátıjeli oryndalýda. Atalǵan kontseptsııaǵa saı byltyrǵy jyly Saıram, Qazyǵurt aýdandarynda eki shaǵyn sý elektr stantsııasy el ıgiligine berildi. Sondaı-aq, Shymkent qalasynan Orta Azııada teńdesi joq bıogaz qondyrǵysy kesheni iske qosyldy. Budan bólek, Saryaǵash jáne Maqtaaral aýdandarynda eki iri kún elektr stantsııalarynyń qurylys jumystary bastaý aldy. 2018 jyly Tólebı aýdanynda qýaty 2,5 megavatt shaǵyn sý elektr stantsııasy paıdalanýǵa beriledi dep kútilýde. Odan bólek, Saryaǵash aýdanynda jalpy qýaty 5 megavatt shaǵyn sý elektr stantsııasy men Otyrar aýdanynda qýaty 35 megavatt kún elektr stantsııasynyń qurylysyn júrgizý josparlanyp otyr.
