OQO: Arys qalasynda jańa sport zaly ashyldy
ASTANA. QazAqparat - Ońtústik Qazaqstan oblysy Arys qalasyna qarasty Kókjıde eldi mekeninde 1 jeltoqsan Tuńǵysh Prezıdenti kúnine oraı jańa sport zaldyń ashylý saltanaty ótti, dep habarlaıdy oblystyq ákimdiktiń baspasóz qyzmeti.
Sharada sóz alǵan qala ákimi Murat Qadyrbek negizgi maqsat - óskeleń urpaq arasynda salaýatty ómir saltyn nasıhattap, bos ýaqyttaryn tıimdi paıdalanýǵa múmkindik jasaý ekendigin atap ótti.
«Búgingi ashylǵan sport zalynan jerlesterimiz sııaqty aýyr atletıkadan Qazaqstan Respýblıkasynyń eńbegi sińgen sport sheberi, 2 márte Álem chempıonatynyń jáne 2016 jylǵy Rıo-De-Janeıroda ótken Olımpıadanyń kúmis júldegeri Jazıra Japparqul, sondaı-aq erkin kúresten Qazaqstan Respýblıkasynyń sport sheberleri Jumabek Nursultan men Burhan Madııar syndy sportshylarymyz shyǵatynyna senimdimin. Sonymen qatar, bokstan Qazaqstan Respýblıkasynyń chempıony, sport sheberi Qalaýbek Oljas, aýyr atletıkadan elimizdiń chempıony Máýlenqulova Dıana sııaqty elimizdiń maqtanyshy bolatyn sportshylar shyǵa berýine tilektespin!», - dedi Murat Bolatuly.
Sondaı-aq, atalǵan óńirde Elbasymyzdyń «Qazaqstan 2050» strategııalyq baǵdarlamasy aıasynda 1-jeltoqsan Qazaqstan Respýblıkasynyń Tuńǵysh Prezıdenti kúni merekesi qarsańynda Baıyrqum-Kókjıde asfalt joly halyq ıgiligine berildi.
