OQO Arab Ámirligine et eksporttaýdy bastady

Oblys ákimdiginiń baspasóz qyzmetiniń habarlaýynsha, taıaýda Shymkent halyqaralyq áýejaıynan 1 myń bas usaq mal Fýdjeıra (BAÁ) qalasyna jetkizildi. Oblystyq aýyl sharýashylyǵy basqarmasynyń qoldaýymen uıymdastyrylǵan jumystardyń eksporttaýshysy «Qaıyp ata» kompanııasy.
Aıta keterligi, Birikken Arab Ámirligine etti eksporttaý boıynsha kelissózder 5 aıdan astam ýaqyt ishinde júrgizildi.
Kelisimshart aıasynda osy jyldyń tamyz aıyna deıin jergilikti kásipkerler BAÁ-ge 60 myń bas usaq mal jetkizetin bolady.
Sonymen qatar, osy baǵyttaǵy kelissózder Saýd Arabııasy, Iran jáne Irak memleketterimen júrgizilýde. Jyl sońyna deıin 1,5 myń tonna etti eksportqa jóneltý josparlanǵan.
Et eksportyn damytý oblystyń mal sharýashylyǵy salasyna jańa serpilis berip, aýyldyń kásibi men násibin kóbeıtetini anyq. Bul baǵyttaǵy júıeli máselelerdi sheshý maqsatynda ýaq mal men iri qara mal ósirý boıynsha arnaıy kooperatsııa qurylatyn bolady.
Bul baǵyttaǵy jumystar jalǵasyn tabatyn bolady.