OQO aqyny Qyrǵyzstanda aıtysta 1-orynǵa ıe boldy
ShYMKENT. QazAqparat - Kórshi Qyrǵyz Respýblıkasynda kóshpeliler oıyndary ótip jatyr. 3 qyrkúıekte bastap uıymdastyrylyp jatqan shara aıasynda el aralyq aqyndar aıtysy ótip, onda elimizdiń atynan qatysqan saryaǵashtyq aıtysker Jarqynbek Naýshabekov 1-oryndy ıelendi.
OQO ákimdigi baspasóz qyzmetiniń habarlaýynsha, oıyndardyń negizgi maqsaty - álemdegi kóshpendi halyq órkenıetiniń tarıhı mádenı murasyn jańartý jáne saqtaý bolyp tabylady.
Jarystar Ystyqkól jaǵasyndaǵy Sholpan Ata qalasynda ótti. Oıyndarǵa Qazaqstannan sporttyń 10-nan asa túrinen sportshylar qatysty.
Ystambulda tórt memlekettiń - túrki tildes memleketter yntymaqtastyǵy keńesiniń qatysýshylary (Qyrǵyzstan, Ázerbaıjan, Qazaqstan, Túrkııa) sport vedomstvolarynyń basshylary oıyndardyń reglamentteriniń naqty nusqasyn bekitip, búkilálemdik kóshpendiler oıyndarynda Qyrǵyzstan, Ázirbaıjan, Belorýssııa, Qazaqstan, Tájikstan jáne Ózbekstan sporttyq komandalary qatysty.
Jalpy jarystar baǵdarlamasyna 26 ulttyq sport túri engizilgen.
