OQO ákiminiń orynbasary tártiptik jaýapkershilikke tartyldy
ASTANA. QazAqparat - Jemqorlyqqa qarsy shara qoldanbaǵany úshin OQO ákiminiń orynbasary tártiptik jaýapkershilikke tartyldy, dep habarlaıdy «QazAqparat» HAA Memlekettik qyzmet isteri jáne jemqorlyqqa qarsy is-qımyl agenttigine silteme jasap.
«Sotqa deıingi tergeý amaldaryna sáıkes, OQO ishki saıasat basqarmasynyń basshysy Bolatbek Tólegenniń para alý faktisine baılanysty jemqorlyqqa qarsy shara qoldanbaǵany úshin jáne belgilengen qyzmettik mindetin oryndamaǵany úshin OQO ákiminiń orynbasary Ulasbek Sádibekov «sógis» túrindegi jaýapkershilkke tartyldy», -dep jazylǵan vedomstvo habarlamasynda.
Atalǵan tártiptik is oblystyń ishki saıasat basqarmasyna jetekshilik etetin Sádibekovke qatysty qaralǵan.
Eske sala keteıik, Bolatbek Tólegenniń jemqorlyq áreketi qazan aıynda, júrgizýshisi arqyly 2,1 mln teńne kóleminde para alyp jatqanda áshkere bolǵan.
Qazir atalǵan is sottyń qaraýynda.
