OQO ákiminiń birinshi orynbasary bastaǵan arnaıy top Qazyǵurt, Saryaǵash aýdandaryndaǵy quryylys nysandarynyń sapasyn tekserdi

Búginge Qazyǵurt aýdanynda «Nurly jol» baǵdarlamasy boıynsha 4 bilim berý nysanynda qurylys jumystary júrgizilýde. 

Atap aıtqanda, aýdandaǵy Qaqpaq aýylyndaǵy 300 oryndyq mekteptiń qurylysy 2015 jyldyń maýsym aıynda bastalyp, aǵymdaǵy jyldyń tamyz aıynda paıdalanýǵa tapsyrylýy josparlansa, qurylysy 2016 jyldyń maýsym aıynda bastalǵan Mahambet eldi mekenindegi M.Ótemisuly atyndaǵy 300 oryndyq, Yntaly eldi mekenindegi 300 oryndyq jáne Qarjan eldi mekenindegi 300 oryndyq bilim berý nysandarynyń qurylysy 2017 jyldyń maýsym aıynda paıdalanýǵa berý kútilýde. 

Atalǵan bilim berý nysandarynyń jalpy quny 2 562 mln. teńgeni quraıdy. Bilim oshaqtary el ıgiligine berilgennen keıin 1200 balaǵa bilim alý múmkindigi ashylmaq.

Sonymen qatar, Saryaǵash aýdanynda «Nurly jol» baǵdarlamasy boıynsha 4 bilim berý nysandarynda qurylys jumystary júgizilýde. 

Taratyp aıtsaq, Atameken eldi mekenindegi A.Baıtursynov atyndaǵy 300 oryndyq, Dastan aýylyndaǵy 300 oryndyq bilim berý nysandarynyń qurylysy 2015 jyldyń maýsym aıynda bastalyp, osy jyldyń tamyz aıynda paıdalanýǵa tapsyrý josparlansa, qurylysy 2016 jyldyń maýsym aıynda bastalǵan Aqqorǵan aýylyndaǵy 600 oryndyq, Qanaǵat aýylyndaǵy Tólebı atyndaǵy 300 oryndyq mektep qurylysy 2017 tamyz aıynda paıdalanýǵa tapsyrý kútilýde. 

Bul bilim berý nysandarynyń jalpy quny 6 288 mln. teńgeni quraıdy. Bilim oshaqtary paıdalanýǵa tapsyrylǵannan keıin 2100 balaǵa bilim alý múmkindigi ashylady.

Qazyǵurt, Saryaǵash aýdandarynda qurylysy júrgizilip jatqan bilim berý nysandaryn aralaýdyń nátıjesi boıynsha oblys ákiminiń birinshi orynbasary D.Satybaldy tapsyrysshy, merdiger mekemelermen tehnıkalyq qadaǵalaýshyǵa, bekitilgen óndiristik kestege sáıkes, sapaly jáne merziminde aıaqtaýdy, qatań baqylaýda ustaýdy tapsyrdy, dep habarlaıdy OQO ákiminiń baspasóz qyzmeti.