OQO ákimi zııaly qaýym ókilderimen kezdesti
ShYMKENT. QazAqparat - Ońtústik Qazaqstan oblysynyń ákimi Janseıit Túımebaev «Naýryz Qazyǵurttan bastalady» merekesinde óńirdegi zııaly qaýym ókilderi jáne ardagerlerdiń basyn qosyp, arnaıy jıyn ótkizdi. Basqosýǵa oblys ákiminiń orynbasarlary, basqarma basshylary, zııaly qaýym ókilderi, oblystyq, qalalyq jáne aýdandyq ardagerler keńesiniń tóraǵalary qatysty, dep habarlaıdy QazAqparat tilshisi.
El ishindegi túrli oqıǵalardyń sebep saldaryn talqylaǵan aımaq basshysy el aǵalarymen olqylyqtardy boldyrmaýdyń joldaryn aqyldasty. Jıynǵa tóraǵalyq etken óńir basshysy ótken jyldyń qorytyndysy boıynsha oblysymyzdaǵy qylmys sany halyq sanyna shaqqanda 0,3 paıyzben respýblıkada eń sońǵy 16 - orynda ekenin aıtty. Sondaı-aq ol bolashaqta osy kórsetkishti tómendetý baǵytynda tıisti jumystar atqarylatynyn aıtty. jetkizdi.
«Búkil Qazaqstannyń halqy 18 mıllıon bolsa, osynsha halyq keıbir damyǵan memleketterdiń bir ǵana qalasynda ómir súredi. Olar mádenıetti táp-táýir, tatý-tátti ǵumyr keship jatyr. Al, biz keıde ulanǵaıyr atyrapqa syımaı jatamyz. Olaı bolmaıdy. Yntymaqpen, baýyrmaldyqpen, tatýlyqpen ǵumyr keshýimiz kerek. Sonda ǵana órkendegen elderdi qýyp jetemiz. Bizde de bir el, bir basshy bar. Endeshe elde bir jaǵadan bas, bir jeńnen qol shyǵaryp, birlese otyryp memlekettik baǵdarlamalardy oryndaý jolynda aıanbaı eńbek eteıik», - dedi Janseıit Qanseıituly.
Oblys ákiminiń sózin qýattaǵan zııalylar qoǵamda bala tárbıesine degen jaýapkershiliktiń álsirep bara jatqanyn jasyrmady. El aǵalary yntymaq pen bereke bolmaǵan jerge qut qonbaıtynyn atap ótti.
«Kúndelikti kúıbiń tirshilikpen arpalysyp júrip qazirgi ata analar bala tárbıesine nemquraıly qaraıdy. Sonyń saldarynan osyndaı jaǵymsyz jaǵdaılar bolyp jatyr. El arasynda kórshi turyp, bir-birimen sottasyp jatqandar da bar. Endi bul máselelerde árbir aýyldaǵy ardager aǵalar, aýyl bıleri men zııaly qaýym ókilderiniń atqaratyn jumysy orasan bolmaq. Іstep te júr, biraq áli de jetkiliksiz. Sizder óz aýyldaryńyzda osyndaı jaǵdaılardy boldyrmaý maqsatynda birigip, jastarǵa aqyl aıtyp, toqtaý salyp otyrsańyzdar», - dedi oblystyq ardagerler keńesiniń tóraǵasy Jeńisbek Máýlenqulov.
Jıyn sońynda aımaq basshysy «Zorlyq-zombylyqsyz - Ońtústik» aktsııasyn bastaýdy jón sanaıtynyn aıtty. Osy aktsııa aıasynda barsha aýdan, qala ákimdikterine zorlyq-zombylyqtyń, qylmys pen quqyqbuzýshylyqtyń aldyn alý boıynsha keshendi jumystardy uıymdastyrýdy tapsyrdy. Aǵa býyn, zııaly qaýym ókilderin de osy bastamaǵa qoldaý kórsetip, belsendi jumys isteýge shaqyrdy.
