OQO ákimi ıÝNESKO Bıýrosynyń dırektorymen kezdesti
ShYMKENT. QazAqparat - Ońtústik Qazaqstan oblysynyń ákimi Janseıit Túımebaev ıÝNESKO Bıýrosynyń dırektory Krısta Pıkkat, mádenıet jónindegi mamany Aıgúl Halafova jáne týrızm jónindegi sarapshy Baqyt Orazymbetovamen kezdesti. Basqosýda taraptar ekijaqty baılanysty nyǵaıta otyryp, óńirdegi týrızm salasyn damytý jaıyn aqyldasty, dep habarlaıdy QazAqparat tilshisi.
Kezdesýde aımaq basshysy qonaqtarǵa oblystyń ekonomıkalyq jaǵdaıyn tanystyryp, týrızm ındýstrııasyn damytý múmkindikterin baıandady.
«Ózderińiz biletindeı Ońtústik Qazaqstan oblysy ıÝNESKO Bıýrosymen tyǵyz baınalys ornatqan. Oǵan óńirimizdegi ıÝNESKO-nyń tizimine engen Aqsý-Jabaǵyly, Qarataý qoryqtary, Qoja Ahmet ıAssaýı kesenesi men Saıram-Ógem ulttyq parkin dálel retinde keltirýge bolady. Bul bizdiń aımaqtyń tarıhı - mádenı eskertkishterge baı ekenin kórsetedi. Mine, osy múmkindikterdi paıdalana otyryp, oblystaǵy týrızm salasyn damytýdy kózdep otyrmyz. Sizderdi osy baǵytta túrli jobalardy birigip júzege asyrýǵa shaqyramyn», - dedi Janseıit Qanseıituly.
Sondaı-aq, oblys ákimi óńirdegi týrızm salasynda jumys istep turǵan «Ontustik tourism center» týrıstik aqparattyq ortalyǵy týraly da áńgime órbitti. 2015 jyly iske qosylǵan ortalyq aqysyz túrde týrıstik qyzmet kórsetýge, tarıhı-mádenı nysandar týraly aqparattardyń qoljetimdiligin qamtamasyz etýge baǵyttalǵan. «Bir tereze» qaǵıdaty boıynsha jumys isteıtin mekeme elimizden bólek, sheteldik týrıstik kompanııalardy tartý jumystaryn júrgizýde. Sonymen qatar jıynda oblysta atalǵan salamen aınalysatyn arnaıy basqarmanyń qurylǵany da sóz boldy.
Óz kezeginde Krısta Pıkkat «Uly jibek jolynyń» boıynda jatqan bul ólkeni Qazaqstannyń negizgi týrıstik oshaǵyna aınaldyrýǵa bolatynyn atap ótti. Sondaı-aq, oblystaǵy zertteýdi qajet etetin tarıhı oryndardyń qupııasyn ashýǵa kómek kórsetetindikterin aıtty.
Jıyn sońynda Janseıit Túımebaev qonaqtarmen estelikke sýretke túsip, olarǵa syı-sııapattar jasady.
