OQO ákimi Shymkenttegi óner ujymyna mýzykalyq aspap pen avtokóliktiń kiltin tabys etti
ShYMKENT. QazAqparat - Ońtústik Qazaqstanda aımaq basshysy Janseıit Túımebaev mádenıet qyzmetkerleriniń kásibı merekesine oraı oblystyq opera jáne balet teatryna baryp, óner ordasyna mýzykalyq aspap pen gazel avtokóliginiń kiltin tabys etti, dep habarlaıdy QazAqparat HAA tilshisi.
Merekelik syıǵa teatr ujymy men oblystyq mádenıet basqarmasynyń basshylyǵy rızashylyqtaryn bildirdi.ońt
«Bul óte bir keremet kómek dep oılaımyn. Óıtkeni árbir mádenıet uıymyna avtokólik bolsa da, mýzykalyq aspap bolsa da, kostıým bolsa da, ol kerek. Olar ýaqyty kele tozady, sondyqtan osylaı materıaldyq bazasyn nyǵaıtý úshin osy oblys ákiminiń tarapynan óte jaqsy kómek kórsetildi»,-dedi oblystyq mádenıet basqarmasynyń basshysy Nurbolat Ahmetjanov.
Aıta keteıik, oblystyq opera jáne balet teatryn 2008 jyly Elbasynyń ózi arnaıy kelip ashqan. Ol elimizdegi sanaýly úsh teatrdyń biri sanalady. Sondyqtan, óner ordasyna memleketten qoldaý joǵary. Klassıkalyq óner týyndylarymen oblys turǵyndarynyń rýhanı jan dúnıesin baıytyp júrgen ujymynyń materıaldyq tehnıkasyn nyǵaıtýǵa bıyl qazynadan 27 mln teńgeden astam qarajat bólingen.
Al, jalpy oblystyq mádenıet uıymdaryn qoldaý maqsatynda 507 mln teńge qarastyrylǵan. Munyń barlyǵy halyqtyń mádenıetin arttyryp, óser urpaqty ultjandylyqqa tárbıeleýde mańyzy orasan sharalar bolyp tabylady.
