OQO ákimi Shymkenttegi mádenıet oshaqtarynyń jumysymen tanysty
ShYMKENT. QazAqparat - Ońtústik Qazaqstan oblysynyń ákimi Janseıit Túımebaev pen «Túrksoı» halyqaralyq uıymynyń Bas hatshysy Dúısen Qaseıinovpen Shymkent qalasynda ornalasqan mádenıet nysandardyń tynys-tirshiligimen tanysyp, óner qyzmetkerlerimen júzdesti.
Eń aldymen aımaq basshysy 2014 jyly Elbasynyń qatysýymen ashylǵan «Túrkistan saraıy» ǵımaratynda boldy, dep habarlaıdy OQO ákiminiń baspasóz qyzmeti.
Tanysý barysynda oblystyq Mádenıet basqarmasynyń basshysy N.Ahmetjanov mádenıet saraıynyń jumysy týraly aqparat berdi.
ıAǵnı, ol, 1304 kórermen zaly bar ǵımarattyń sahnada ornatylǵan dybys kúsheıtkishi, jaryq berý qural-jabdyqtarynyń sapasynyń tómen ekendigine toqtalyp, joǵary deńgeıdegi kontsert ótkizý úshin taǵy da birqatar tehnıkalardyń jetispeıtinin atap ótti.
Mádenıet úıiniń jaı-kúıimen tanysqan ákim oblystyń mádenıetin respýblıkalyq jáne halyqaralyq deńgeıge kóterý úshin eń aldymen óner úıleriniń jumysyn jandandyrýdy aıtyp, atalǵan mekemege qajetti qural-jabdyqtardy alý máselesin qarastyrýdy oblys ákiminiń orynbasary U.Sádibekovke tapsyrdy.
Sonymen qatar, óńir basshysy Jumat Shanın atyndaǵy oblystyq akademııalyq qazaq drama teatrynda bolyp, ujymmen kezdesti.
Mekeme 1934 jyly qurylǵan. 2014 jyldyń qarasha aıynda jańa ǵımaratqa kóship, Qazaqstan Respýblıkasy Úkimetiniń 2015 jylǵy 24 aqpandaǵy №77 qaýlysymen «Akademııalyq» mártebe berilgen.
Teatr ǵımaratynda 500 adamǵa arnalǵan kórermen zaly, murajaı, 2 foıe bar.
Úsh qabattan turatyn teatr zamanaýı qural-jabdyqtarmen tolyq jabdyqtalǵanymen, sahnalyq jaryq beretin qural-jabdyqtar men jylý júıesi talapqa saı emes. Osyny eskergen oblys ákimi sala basshylaryna atalǵan kemshilikterdi joıý maqsatynda tıisti shara qabyldap, jumysty júıeleýdi mindettedi.
Aımaq basshysy teatr ujymymen kezdesip, birqatar áleýmettik máselelerdi talqylady. Onda óner azamattary qyzmettik páterlerdiń bolmaýy men jataqhananyń jetispeýshiliginen kásibı jas mamandardyń turaqtalmaıtyndyǵyn jetkizip, basqa da akterlerdiń áleýmettik jaǵdaıyn sóz etti.
Óz kezeginde mádenıet qyzmetkerleriniń usynys-tilegin tyńdaǵan oblys ákimi J.Túımebaev oblys ákiminiń orynbasary U.Sádibekovke, oblystyq Mádenıet basqarmasynyń basshysy N.Ahmetjanovqa teatrǵa qajetti qural-jabdyqtardy alý, akterlerdiń áleýmettik máselesin sheshýdi qarastyrýdy tapsyrdy.
Sonymen qatar, shyǵarmashylyq ujymnyń talmaı eńbek etýine, izdenisteriniń budan da joǵary deńgeıde bolýyna tilektestigin bildirip, aldaǵy jyldary halyqaralyq sharalarmen birge túrkitildes elder arasynda ótetin baıqaýlarǵa qatysýǵa árqashan qoldaý kórsetetindigin jetkizdi.
