OQO ákimi respýblıkalyq shtabtyq oqý-jattyǵý barysymen tanysty
ASTANA. QazAqparat - Búgin Ońtústik Qazaqstan oblysynyń ákimi Janseıit Túımebaev OQO Іshki ister departamentiniń bazasynda bolyp, ondaǵy ótip jatqan respýblıkalyq shtabtyq oqý-jattyǵýdyń barysymen tanysty, dep habarlaıdy oblystyq ákimdiktiń baspasóz qyzmeti.
Oblys ákimine Іshki ister organynyń daıyndyǵy men qabilettilik deńgeıi jáne materıaldyq-tehnıkalyq bazasy kórsetildi.
Quqyq qorǵaý salasynyń qyzmetkerlerimen tildesken aımaq basshysy ishki ister organynyń jumysy zamanaýı tehnıkamen qamtamasyz etilgeninde emes, mamandardyń kásibıligimen anyqtalatynyn atap ótti.
Aıta keteıik, oqý-jattyǵý sheńberinde daǵdarys jaǵdaıy týyndaǵan oryndarǵa qysqy mezgilde operatsııalardy ótkizý kezindegi áreketterge quqyqqorǵaý organdary kúshterin jóneltý máseleleri pysyqtalady.
Máselen, oqý-jattyǵý barysynda kúsh pen quraldardy basqarýdy uıymdastyrý, memlekettik organdardy jedel habardar etý, vedomstvolyq baılanys quraldarynyń jáne ózara baılanysynyń turaqty jumysyn qamtamasyz etý, ártúrli qoıylǵan tapsyrmalardy oryndaýdaǵy memlekettik organdardyń ózara baılanysy tekseriledi.
Sondaı-aq, oqý-jattyǵý barysynda shartty túrdegi tótenshe jaǵdaı kezindegi azamattardyń qaýipsizdigin qamtamasyz etý jáne quqyq qorǵaý organdarynyń jedel ózara is-áreketi pysyqtalady.
