OQO ákimi «Ońtústik tsırk» ujymyna sý jańa avtokólik syıǵa tartty
ShYMKENT. QazAqparat - «Ońtústik tsırk» ujymy mereıli mereke qarsańynda oljaly boldy, dep habarlaıdy, shymkenttv.kz.
Táýelsizdik jolynda san ǵasyrlyq tarıh bar. Qazaq eli erlik pen eldiktiń arqasynda birligin saqtaı otyryp, búginge jetti. Dýmandy toı dúbiri Ońtústikte aıryqsha seziledi. Shymkenttegi «Ońtústik-tsırk» ǵımaratynda aýqymdy shara uıymdastyryldy.
Onda oblys ákimi Janseıit Túımebaev mádenıet jáne rýhanııat salasyna eńbegi sińgen birqatar azamattardy marapattady. Táýelsizdik toıy. Qazaq úshin qaqqan qazyqtaı bekem, tuǵyry bıik, qasıeti joǵary, qadirli mereke. El kúntizbesindegi eń qasterli kún. Alqaly jıynnyń álqıssa sózin oblys ákimi Janseıit Túımebaev sóıledi. Óńir basshysy ult úshin ulyq merekemen eldi quttyqtady. Táýelsizdik tarıhynan taǵylym túıýge úndedi. Bul kúni ulttyq rýhymyzdyń qýatyn, eldik pen erligimizdiń muratyn aıshyqty etkender, dálirek aıtsaq, mádenıet jáne rýhanııat belsendileri syı-qurmetke bólendi. «Ońtústik tsırk» ujymy da mereıli mereke qarsańynda oljaly. Oblys basshysy Janseıit Qanseıituly tsırk qyzmetkerleriniń eseli eńbegin eskerip, sý jańa «Mersedes Mıg» avtokóligin syıǵa tartty. Shara sońynda tústik óńirdiń barsha zııaly qaýym ókilderi men mádenıet qyzmetkerleriniń atynan memleket basshysy Nursultan Nazarbaevqa jazǵan quttyqtaý hat oqyldy.
