OQO ákimi Nıderland Koroldiginiń elshisimen kezdesti
ShYMKENT. QazAqparat - Ońtústik Qazaqstan oblysynyń ákimi Janseıit Túımebaev Nıderland Koroldiginiń Qazaqstan Respýblıkasyndaǵy Tótenshe jáne Ókiletti elshisi ıAn Kop Dırkpen, Almaty qalasyndaǵy Elshilik keńsesiniń saýda-sattyq jónindegi mamany Z.Sadykdjanqyzymen kezdesti.
Júzdesý barysynda taraptar eki el arasyndaǵy ekonomıkalyq baılanysty nyǵaıtý, birlesken ınvestıtsııalyq jobalardy iske asyrý jaıyn aqyldasty, dep habarlaıdy OQO ákiminiń baspasóz qyzmeti.
Kezdesý barysynda aımaq basshysy qonaqtardy óńirimizge kelýimen quttyqtap, oblystyń ekonomıkalyq áleýetimen jáne kásipkerlerge jasalyp jatqan múmkinshikterimen tanystyrdy.
«Nıderland - Qazaqstan ekonomıkasyndaǵy eń iri sheteldik ınvestor. Sizder jaqtan elimizge tartylǵan ınvestıtsııanyń kólemi 6 mlrd AQSh dollaryna jetti. Ótken jyldyń qorytyndysy boıynsha eki el arasyndaǵy taýar aınalymy da aýqymdy, 5 mlrd AQSh dollarynan asty. Bul qarym-qatynastyń ásirese bizdiń oblysymyz úshin tıimdiligi erekshe bolyp otyr. Óńirimiz aýyl sharýashylyq salasyna beıim aımaq. Osy baǵytta ózderińizben birlese otyryp, kóptegen jobalardy júzege asyrdyq. Sizderdi budan da tyǵyz baılanys ornatýǵa shaqyramyn», - dedi Janseıit Qanseıituly.
Sondaı-aq, óńir basshysy qonaqtardy OQO men Nıderland arasynda arnaıy memorandým túzýge shaqyrdy. Kelisimshart negizinen aýyl sharýashylyǵy salasyn órkendetýge baǵyttalatyn bolady.
Óz kezeginde ıAn Kop Dırk oblys ákiminiń usynysyna qoldaý bildirip, jańa jobalardy birlesip júzege asyrýǵa daıyn ekendikterin jetkizdi.
