OQO ákimi Qytaı Halyq Respýblıkasynan kelgen delegatsııa múshelerimen kezdesti
ShYMKENT. QazAqparat - Ońtústik Qazaqstan oblysynyń ákimi Janseıit Túımebaev Qytaı Halyq Respýblıkasynan kelgen delegatsııany qabyldady. Kezdesý barysynda taraptar ekonomıka jáne saıası baılanysty arttyrý máselesin sóz etti, dep habarlaıdy QazAqparat tilshisi.
Aspanasty elinen kelgen qonaqtardy Qytaıdyń ınvestıtsııa jáne damý komıtetiniń departament basshysy Chın ıÝıtsaı bastap keldi. Qazir eki el arasynda ortaq 51 kásiporyn jumys isteıdi. Onyń 10 paıyzy ońtústik óńirde ornalasqan. Taraptar bul kezdesý sol kórsetkishti jaqsartý úshin ótkizilip otyrǵanyn atap ótti.
«Bul kezdesý eki tarap úshin de tıimdi bolady. Sebebi, óńirde kásipkerlikpen aınalysý úshin jaqsy jaǵdaı jasalǵan. Ol qytaılyq kásipkerlerdi qyzyqtyrady dep oılaımyn. Aldaǵy ýaqytta bolatyn kezdesýlerge kásipkerlerdi tartýymyz kerek,-dedi aımaq basshysy Janseıit Túımebaev.
Qytaı delegatsııasynyń sapary eki kúnge josparlanǵan. Sheteldik qonaqtar aldaǵy ýaqytta taǵy da kezdesý uıymdastyrý josparlanǵanyn jetkizdi.
«Negizinde eki eldiń arasynda baılanys jasaý yńǵaıly. Sebebi Qytaı men Qazaqstandy Uly Jibek joly baılanystyryp jatyr. Al, bizdi ońtústiktiń tabıǵı ónimi kóbirek qyzyqtyrady. Sonymen qatar Sizderdegi tabıǵı qazbalardyń kóptigi de birlese jumys isteýge qolaıly. Sondaı-aq, aldaǵy ýaqytta bilim salasyndaǵy baılanysty arttyrýdy da kózdep otyrmyz»,- dedi Chın ıÝıtsaı.
