OQO ákimi boks sańlaqtarymen kezdesti
ASTANA. QazAqparat - Ońtústik Qazaqstan oblysynyń ákimi Janseıit Túımebaev óńirde ótken bokstan respýblıkalyq birinshilik aıasynda sport sańlaqtarymen kezdesti. Olardyń qatarynda QR Boks federatsııasynyń vıtse-prezıdenti ıÝrıı Tshaı, Bokstan Qazaqstan ulttyq quramasynyń bas bapkeri Myrzaǵalı Aıtjanov, QR Eńbegi sińgen sport sheberleri ári Olımpıada chempıondary Serik Sápıev jáne Baqtııar Artaev, sondaı-aq Danııar Eleýsinov, bokstan álem chempıondary Birjan Jaqypov pen Qaırat Eralıevter bar, dep habarlaıdy Ońtústik Qazaqstan oblysy ákimdiginiń baspasóz qyzmeti.
Kezdesýde oblys basshysy arnaıy kelgen qonaqtarǵa alǵys bildirip, bir mezette úsh birdeı Olımpıada chempıonynyń óńirge alǵash ret kelip jatqandyǵyn atap ótti. Sonymen qatar, oblys ákimi óńirdiń sport salasy qarqyndy damyp kele jatqandyǵyn aıtty.
«Elbasymyz «Sport - eldiń mereıin asyryp, abyroıyn asqaqtatyn sala. Bul turǵyda sportshylarymyz kók týymyzdy jelbiretip keledi» degen bolatyn. Ońtústikke Serik Qonaqbaevtaı maqtanyshymyzdy baptaǵan ıÝrıı Andreevıchtiń, budan bólek Olımpıada chempıondarynyń kelgeni abyroı. Biz oblysymyzda sportqa erekshe mán berýdemiz. Aıta keterligi, bizdiń óńirde 43 sport mektebi bar. Eldiń abyroıyn kóterý úshin sportshylarymyzǵa barlyq jaǵdaıdy jasaýymyz kerek», - dedi Janseıit Qanseıituly.
Óz kezeginde sóz alǵan ulttyq quramanyń bas bapkeri Myrzaǵalı Aıtjanov oblysymyzdyń sporty qarqyndy damyp jatqandyǵyn, onyń ishinde bokstyń joǵary deńgeıde ekendigin atap ótti.
«Bokstan bizdiń óńirde bıyl ekinshi álem chempıony shyqty. Ulttyq quramada bizdiń sportshylar kóp. Aldaǵy Olımpıadada ońtústik óńirinen chempıon shyǵatynyna senemin. Sol úshin jumys jasaımyz», - dedi Myrzaǵalı Aıtjanov.
Kezdesýge kelgen el maqtanyshtary bolashaqta ońtústikke arnaıy kelip, «master klass» ótkizip turatyndaryn jetkizdi. Shara sońynda oblys basshysy qonaqtarǵa tabys tilep, estelik syılyq jasady
