OQO ákimi birqatar etnomádenı birlestikterdiń ókilderin marapattady
Onda ákim Elbasynyń atynan Qazaqstan halqy Assambleıasynyń qoǵamdyq «Birlik» altyn medalimen» jáne «Qazaqstan Respýblıkasynyń Táýelsizdigine 25 jyl» merekelik medalin tabystady.
Táýelsizdik merekesi elimizdiń barlyq azamattary úshin ortaq ári eń basty qundy mereke ekenin aıtqan ákim barsha jınalǵandardy Táýelsizdiktiń 25 jyldyq merekesimen quttyqtady.
Qazaqstan Respýblıkasy Táýelsizdiginiń 25 jyldyǵyna arnalǵan mereke qarsańynda Memleket basshysy, elimizdiń Táýelsizdigi men el birligin nyǵaıtýǵa, mádenıetaralyq qarym-qatynasty damytýǵa, qazaqstandyq patrıotızmdi qalyptastyrýǵa qosqan eleýli úlesi úshin Qazaqstan halqy Assambleıasynyń qoǵamdyq «Birlik» altyn medalin» óńirimizdegi birqatar azamattar ıe bolǵan.
Atalǵan merekelik medal ıelerin oblys ákimi arnaıy qabyldap, Elbasy atynan tabystady. Oladyń qatarynda oblys prokýrory I.Imanov, óńirimizdiń bas ımamy A.Kerimbek, oblystyq klınıkalyq aýrýhananyń dárigeri M. Abýov, OQO Qazaqstan halqy assambleıasy hatshylyǵynyń meńgerýshisi M.Qalmuratov, Ahyska» etnomádenı ortalyǵy» qoǵamdyq birlestiginiń múshesi M.Mýsaev, oblystyq kúrd etnomádenı ortalyǵy qoǵamdyq birlestiginiń tóraǵasy A.Nadırov, «Kazakı» qoǵamdyq uıymynyń tóraǵasy D. Hrýşev, «Naırı» armıan etnomádenı ortalyǵy» qoǵamdyq birlestiginiń tóraıymy D.Sıdıropýlovalar bar.
«Osy shırek ǵasyr ishinde memleketimiz ósip-órkendep, álemdik qaýymdastyq arasynda ózindik orny bar memleketke aınaldy. Bizdiń qol jetkizgen basty tabysymyz - Qazaqstan halqynyń birtutastyǵy boldy.
Memlekettiń sara saıasaty, dara ustanymynyń arqasynda jalpyulttyq birlik pen qoǵamdyq kelisim - Táýelsizdigimizdiń basty tuǵyryna aınaldy. Elimizde beıbitshilik pen myzǵymas tatýlyqty ornyqtyrýda meılinshe atsalysyp júrgen azamattyrymyzdy búgingi alǵan marapatymen shyn júrekten quttyqtaımyn», - dedi J.Túımebaev.
Sonymen qatar, aımaq basshysy oblysymyzdyń ósip-órkendeýine súbeli úles qosqan 21 BAQ-qa «Qazaqstan Respýblıkasynyń Táýelsizdigine 25 jyl» merekelik medalin tabystady.
«Táýelsizdiktiń 25 jyldyǵynda qazaq eliniń eldigin nasıhattap, el ıgiligi men birligi úshin jemisti atqarylǵan jumystar men memleketimizdiń abyroıyn asqaqtatyp, jan-jaqty damý jetistikterin nasıhattaýda buqaralyq aqparat quraldarynyń róli qashanda joǵary. Elbasy Nursultan Ábishuly Nazarbaev bıik minberden: «Biz baspasóz erkindigin qalyptastyrý arqyly sóz bostandyǵyn baıandy ettik» dep aıtqanyn sizder bilesizder. Shynynda da buqaralyq aqparat quraldarynyń Qazaqstannyń Táýelsiz memleket retinde qalyptasý jyldaryndaǵy áleýmettik-ekonomıkalyq salalardaǵy órkendi ózgeristerdegi alatyn orny men atqarǵan qyzmeti aıryqsha»,- dep aıtqan Sizder Prezıdentimizdiń jasampaz ıdeıalarynyń tóńiregine qoǵamdy
toptastyrý, ultty uıystyrýǵa zor úles qosyp kelesizder. Demek, qandaı da bir aqparat kóziniń sózi - qoǵamdyq pikir qalyptastyrýdyń temirqazyǵy ispetti. Osy baǵyttaǵy jumystaryńyz eselenip, tabysty da jemisti eńbekterińiz elenip, aldaǵy maqsattarǵa jetý jolyndaǵy jańa bıikter men shyńdardan kórine berińizder,-dep aıtqan ákim óz sózin qorytyndylady.
Jıynda sóz alǵan qalamgerler aldaǵy ýaqytta da qoǵamdy nyǵaıtýda jáne Qazaqstannyń onyń ishinde Ońtústik Qazaqstan oblysynyń damýyna úles qosa beretinderin aıtyp, shırek ǵasyrda atqarylǵan eńbekti baǵalap, merekelik medalge laıyq dep sanaǵan Elbasyǵa jáne oblys ákimine alǵystaryn jetkizdi.
