OQO ákimi birqatar bank basshylarymen kezdesti

ShYMKENT. QazAqparat - Ońtústik Qazaqstan oblysynyń ákimi Janseıit Túımebaev «Reseı Jınaq banki» AQ enshiles banki basqarmasynyń tóraǵasy Aleksandr Kamalov, Basqarma tóraǵasynyń orynbasary N.Şýkınamen jáne «Jınaq banki» AQ Shymkent qalalyq fılıalynyń dırektory E.Ábýovpen kezdesti. Basqosýda taraptar birlese jumys istep, óńirdiń ekonomıkalyq áleýetin kóterý jaıyn áńgimeledi, dep habarlaıdy  QazAqparat tilshisi.

Kezdesý barysynda qonaqtar Túrkistan qalasy men Saryaǵash aýdanynan banktiń fılıaldyq bólimshelerin ashýdy usyndy. Óz kezeginde aımaq basshysy bank ókilderiniń mundaı bastamalaryna qoldaý bildiretinin aıtty.

«Ońtústik Qazaqstan oblysy halyq sany jaǵynan elimiz boıynsha birinshi orynda turǵan aımaq. Al, mundaı jerde sáıkesinshe aqsha aınalymy joǵary deńgeıde bolatyny sózsiz. Demek, óńirimizdiń árbir aýdan, qalalarynda bank fılıaldary bolǵan durys. Máselen, sizder aıtyp otyrǵan elimizdiń rýhanı astanasy Túrkistan qalasynda 260 myńnan astam, saıaly Saryaǵash aýdanynda 350 myńǵa jýyq halyq turady. ıAǵnı, bul sizderge de turǵyndarǵa da tıimdi bolady degen sóz», - dedi Janseıit Qanseıituly.

Budan bólek, bank basshylary birlesken jobalar arqyly jumys jasaýǵa árdaıym daıyn ekendikterin jetkizdi. Sondaı-aq, jıynda «Jınaq banki» AQ-nyń qarjylandyrýymen búginge deıin oblystaǵy 20-ǵa jýyq iri kásiporyn óndiris kólemin arttyryp otyrǵany sóz boldy.

Aıta keteıik, Qazaqstandaǵy «Sberbankiniń» tarıhy 2006 jyldan bastalady. 2007 jyly Bank ulttyq jáne shetel valıýtasynda júrgiziletin banktik jáne ózge de operatsııalardy júrgizýge lıtsenzııa aldy. Dál osy jyly Banktiń jarǵylyq kapıtaly 15 esege ulǵaıyp, 29 mlrd teńgeni quraǵan. Jalpy banktiń 89 qurylymdyq bólimsheden turatyn fılıaldyq jelisi bar. Sonyń biri 2010 jyly Shymkent qalasynda jumysyn bastady.