OQO ákimi balalar úıiniń tárbıelenýshilerine syılyqtar tartý etti
Balalardyń merekelik kontserttik baǵdarlamasyn tamashalaǵan aımaq basshysy Elbasynyń atynan osyndaǵy tárbıelenýshilerge velosıped, teledıdar jáne ózge de syılyqtar men EKSPO-2017 halyqaralyq kórme bıletterin tapsyrdy.
«Balalar merekesine oraı sizderge ádeıi kelip otyrmyn. Bala-bizdiń bolashaǵymyz. Sondyqtan elimizdiń erteńgi tiregi bolatyn senderdiń bolashaqtaryńdy baıandy etý bizdiń paryz. Sizder úmitti aqtap, sabaqty jaqsy oqıtyndaryńyzǵa, úlgili de tártipti bala bop ósetinderińizge senimim mol. Elbasymyz básekege qabiletti bolý úshin eń aldymen bilimdi bolýdy aıtqan bolatyn. ıAǵnı, bilimdi bolýmen qatar, durys tárbıe de alýymyz qajet. Tárbıesiz bilim - sýsyz dıirmen»,-dedi aımaq basshysy.
90 jyldan astam tarıhy bar otbasy úlgisindegi balalar úıinen ataqty ǵalymdar men jazýshylar, ult maqtanyshyna aınalǵan batyrlar, belgili qoǵam qaıratkerleri men Keńes odaǵynyń batyrlary Beısen Ońtaev, Sadyq Ismaılov, Bergen Isahanov, Naǵı Іlııasov, Ivan Jýrbalar ushsa, qazaqtyń belgili jazýshysy, satırık, dramatýrg Sadyqbek Adambekov pen esimi berilgen Tólegen Tájibaev ta osynda tálim-tárbıe alǵan.
Munymen qosa ákim osy balalar aýylynan 5 jetimdi asyrap alyp otyrǵan Dıqanbaevtar otbasyna alǵysyn bildirip, ózinikimen qosqanda 9 balaly-shaǵaly bolǵan úlken otbasyǵa teledıdar men baryp kelý shyǵyny qarastyrylǵan EKSPO-2017 halyqaralyq kórmesiniń bıletin tartý etti.
Osy jyldar ishinde uıadan ushqan úsh myńǵa jýyq tárbıelenýshi ómirden óz baqytyn tapqan. Búginde munda 72 bala tárbıelenýde. Olardyń ár qaısysy túrli ulttan bolǵanymen barlyǵy bir tilde ıaǵnı, qazaq tilinde sóıleıdi. Birneshe tildi meńgergen balalar bir-birinen ótken ónerli de sulý ári tárbıeli.