OQO ákimdiginde jańa basqarma qurylyp, tórteýiniń ataýy ózgerdi
ShYMKENT. QazAqparat - Ońtústik Qazaqstan oblysynyń ákimdiginde 23 basqarmanyń keıbirinen birqatar mindetter alynyp, jańadan taǵy bir basqarma quryldy, dep habarlaıdy QazAqparat tilshisi.
Tórt basqarmanyń ataýyn ózgertý jáne jańa basqarmany qurý týraly sheshim ótken jyldyń qazan aıynda oblystyq máslıhat sessııasynda qaralyp, oblys ákiminiń qaýlysy shyqqan bolatyn.
Sonymen OQO ákimdiginde jańadan «Ońtústik Qazaqstan oblysynyń týrızm jáne syrtqy baılanystar basqarmasy» quryldy. Al burynǵy oblystyq kásipkerlik, ındýstrıaldy-ınnovatsııalyq damý jáne týrızm basqarmasy «Ońtústik Qazaqstan oblysynyń kásipkerlik jáne ındýstrıaldy-ınnovatsııalyq damý basqarmasy» bolyp qaıta ataldy. Sondaı-aq oblystyq mádenıet basqarmasy «Ońtústik Qazaqstan oblysynyń mádenıet jáne tilderdi damytý basqarmasy» bolyp, Oblystyq tilderdi damytý, arhıvter men qujattama basqarmasy «Ońtústik Qazaqstan oblysynyń aqparattandyrý, memlekettik qyzmetter kórsetý jáne arhıvter basqarmasy» dep ózgertildi. Oǵan oblys ákimi apparatynyń aqparattandyrý jáne memlekettik qyzmetter kórsetý salasyndaǵy fýnktsııalary men ókilettikteri berildi.
Budan bólek, Oblystyq jastar saıasaty máseleleri jónindegi basqarmaǵa Bilim basqarmasynyń qorǵanshylyq, qamqorshylyq jáne balalardyń quqyǵyn qorǵaý salasyndaǵy fýnktsııalary men ókilettikteri berile otyryp, «Ońtústik Qazaqstan oblysynyń otbasy, balalar jáne jastar isteri jónindegi basqarmasy» bolyp aýystyryldy.
