OQO ákimdigi ótinish-shaǵymdardy Whatsapp-pen qabyldaı bastaıdy

ASTANA. QazAqparat - Ońtústik Qazaqstan oblysynyń ákimdigi áleýmettik jeli arqyly halyqpen baılanysty jaqsartý úshin Whatsapp messendjerin iske qosty.  Ákimdik atalǵan baılanys arqyly oblys jurtshylyǵymen ashyq dıalog ornatýdy maqsat ete otyryp, jergilikti atqarýshy bıliktiń qyzmetin jetildirýdi jáne qoǵamdaǵy túıtkildi máselelerdi der kezinde sheshýdi kózdeıdi. Bul týraly aımaq ákimdiginiń baspasóz qyzmetinen málim etti.

Endi óńir halqy turǵyn úı-kommýnaldyq sharýashylyq máseleleri men basqa da ótinishterin WhatsApp qosymshasy arqyly 8 702 198 53 23 baılanys nómirine foto nemese jazbasha túrde joldaı alady.  

Al kelip túsken ótinishterdi salalyq basqarmalardan qurylǵan jumysshy top nazarǵa alyp, nátıjesin ótinish berýshige joldaıtyn bolady.