OQO ákimdigi ornatqan keri baılanys tıimdiligin kórsete bastady
ShYMKENT. QazAqparat - Ońtústik Qazaqstan oblysynyń ákimi Janseıit Túımebaevtyń tapsyrmasymen áleýmettik jeli arqyly baılanysty jaqsartý úshin óńirde Whatsapp messendjeri iske qosylǵan bolatyn. Búginde atalǵan baılanys túri óziniń tıimdiligin kórsete bastady, dep habarlaıdy QazAqparat tilshisi.
Ákimdik pen oblys jurtshylyǵy arasynda ashyq dıalog ornatyp, qoǵamdaǵy túıtkildi máselelerdi der kezinde sheshý maqsatynda iske qosylǵan Whatsapp messendjerine qazirdiń ózinde turǵyndar tarapynan jalpy sany 208 suraq kelip túsken. Onyń 49-na jaýap berilip, tıisti jumystar uıymdastyrylýda.
Turǵyndardan túsken suraqtardyń basym kópshiligin ınfraqurylymdyq máselelerge baılanysty bolyp otyr. Atap aıtsaq, 10 turǵyn tabıǵı gaz, 7 turǵyn aýyz sý, 34 azamat turǵyn úı kezegin, 10 azamat elektr energııasyna qatysty shaǵymdanǵan. Sondaı-aq, 24 azamat jol qıyndyǵyn kóterse, 14 turǵyn qoǵamdyq kólikke qatysty, 12 azamat qoqys máselesi jóninde shaǵymyn jetkizgen.
Aryz-shaǵym túsirgenderdiń basym kópshiligi Shymkent qalasynyń turǵyndary ekeni anyqtaldy. Máselen, 208 suraqtyń 137-si oblys ortalyǵynyń turǵyndaryna tıesili bolyp shyqty. Ekinshi orynda 8 saýal joldaǵan Tólebı aýdanynyń turǵyndary tur.
Búgingi tańda kelip túsken ótinishterdi salalyq basqarmalardan qurylǵan jumysshy top nazarǵa alyp, nátıjesin ótinish berýshige joldaýǵa daıyndaý ústinde.
Eske salaıyq, oblys turǵyndary aryz-shaǵymdary boıynsha myna kórsetilgen + 7 702 198 53 23 uıaly telefon nómirine tirkelgen WhatsApp Messenger-ge saýaldaryn joldaýyna bolady.
Foto: bgr.in
