OQO: 9 aıdyń ishinde bir aýylda atqarylǵan jumys

ASTANA. QazAqparat - Ońtústik Qazaqstan oblysy Sozaq aýdanynyń Shý aýylynda mal basy aıtarlyqtaı artqan. Bul týraly Shý aýyly okrýginiń ákimi Beısenbi Dastanov jergilikti buqaralyq aqparat quraldary ókilderine 9 aıdyń qortyndysyn týraly ótken brıfınikte málimdedi, dep habarlaıdy aýdan ákimdiginiń baspasóz qyzmeti.

Onyń aıtýynsha múıizdi iri qara 761, usaq - 4600, jylqy - 326, túıe-76 basty qurap, mal basynyń sany ótken jylmen salystyrǵanda birshama artqan. Mal azyǵyn daıyndaý boıynsha jospar 108 paıyzǵa oryndalǵan. Kásipkerlik salasy boıynsha 5 aralas saýda dúkeni halyqqa qyzmet etip keledi.

«Katko» qazaq frantsýz birikken kásiporny 800 myń teńgege balalarǵa oıyn alańshasyn salyp bergen. Sondaı-aq atalǵan sheteldik kompanııa ataýly kúnderi «Altyn», «Kúmis» alqaly analarǵa 200 myń teńge kóleminde, al, qarttar jáne múgedekterge 1 qap un men qysqy maýsymda ár otbasyǵa 2 tonna qatty otynmen qamtamasyz etken.

Bilim salasynda 2 oqýshy úzdik attestat ıelenip, 10 oqýshy jazǵy demalys lagerine demalyp qaıtqan. Aýyldyq emhana jospar boıynsha jumys jasap, bıylǵy jyly sary aýrý men brýtsellez aýrýy tirkelmegen. Bıylǵy jyly aýyl okrýg boıynsha birde bir qylmys tirkelmegen.