OQO: 25 jyl ishinde Maqtaralda 54 bilim berý nysany salynǵan
ASTANA. QazAqparat - Táýelsizdik jyldary maqtaraldyqtarǵa da tolaǵaı tabys ákeldi. Aýdan ekonomıkasy aq altyn esebinen ondaǵan esege artyp, óndiris órken jaıdy, dep habarlaıdy aýdan ákimdiginiń baspasóz qyzmeti.
Memlekettik qoldaýdyń arqasynda halyqtyń turmysy túzelip, shaǵyn jáne orta bıznestiń órisi keńeıgen. Azattyq jyldary elimizdiń kez-kelgen aımaǵyna ajar berdi. Jalpy, ishki ónim kólemi artyp, bıýdjet búıiri tompaıdy. Máselen, Maqtaralda 1991 jyly óńirdiń ónimi 6 mıllıon teńge bolsa, búginde bul kórsetkish 176 paıyzǵa ósken.
Investıtsııa kólemi 280 myń teńgeden 5 mıllıard 690 mıllıon teńgege jetti. Bıýdjet túsimi de aýyz toltyryp aıtarlyqtaı. 25 jyl ishinde Maqtaralda 54 bilim berý nysandary boı tiktedi. Onyń 49-y - mektep. 5-eýi - balabaqsha. Apatty bilim oshaqtaryn qaıta jóndep, kásipkerlerdiń esebinen bóbekjaılardyń sanyn arttyrý da kún tártibinen túsken emes. Buqaranyń bas aýrýyna aınalǵan oqýshylardyń tasymaly da ońtaıly sheshimin taýyp otyr.
Maqtaly ólkede bıyl aq mamyqtan túsken tabys kózi de birshama. 91-shi jylǵa deıin dıhandar eshqandaı da ınnovatsııalyq tehnologııanyń kómeginsiz ónim alsa, 2011 jyldan beri tamshylatyp sýarý arqasynda is óndi. Táýelsizdikpen birge túlep kele jatqan aımaqta jylyjaılardyń sany artyp, sharýalardyń turmysy túzelgen.
