«ÓKM operatorynyń» qarjysy aýyl sharýashylyǵy tehnıkasyn nesıeleýge jumsalady

NUR-SULTAN. QazAqparat – QR Indýstrııa jáne ınfraqurylymdyq damý mınıstri Qaıyrbek Óskenbaev «ÓKM operatorynyń» qarjysy aýyl sharýashylyǵy tehnıkasyn nesıeleýge jumsalatynyn málim etti, dep habarlaıdy QazAqparat tilshisi.

«Memleket basshysynyń tapsyrmasyn oryndaý sheńberinde, biz qazir Ekologııa, geologııa jáne tabıǵı resýrstar mınıstrligimen birlesip, Óndirýshilerdiń keńeıtilgen mindettemeleri operatorynyń qarajatyn paıdalana otyryp, otandyq aýyl sharýashylyǵy tehnıkasyn satyp alý úshin jeńildetilgen kredıt berý tetigin engizý máselesin pysyqtap jatyrmyz»,- dedi mınıstr.

Sondaı-aq, ol qoldanystaǵy lızıngtik qarjylandyrý baǵdarlamasy aıasynda aýyl sharýashylyǵy tehnıkalary parkin jańartý josparda bar ekenin aıtty.

«2022 jyly osy baǵdarlamany iske asyrýǵa aralas kózderden 7 mlrd teńge jáne 3,5 mlrd teńge kózdelgen», - dedi Qaıyrbek Óskenbaev.