«ÓKM Operatorynyń» basshysy eski kólikter alýǵa qansha qarajat jumsalatynyn atady
NUR-SULTAN. QazAqparat – 5 jylda «ÓKM Operatory» halyqtan 200 myńnan astam eski kólik satyp alǵan, dep habarlaıdy QazAqparat.
«ÓKM Operatorynyń» jumys istep kele jatqanyna 5 jyl tolyp otyr. Uıym 2017 jyly Qaraǵandy qalasynda isten shyqqan avtokólikterdi jınap, kádege jaratatyn Ortalyq Azııada teńdesi joq júıe qurdy. 5 jylda biz 200 myńnan astam avtokólik jınadyq. Búginde apta saıyn halyqtan 1000-1100 avtokólik satyp alamyz. Aqshaǵa shaqsaq bul maqsatqa «ÓKM Operatory» 320-340 mln teńge baǵyttaıdy», - dedi «ÓKM Operatory» JShS basqarma tóraǵasy Medet Qumarǵalıev.
Sondaı-aq, ol uıymnyń bıylǵa mejelegen josparyna toqtaldy.
«Byltyr operator sýbsıdııalaý júıesi arqyly shamamen 28 myń tonnadan astam avtomobıl qaldyqtaryn jınady. Bıyl 5 aıda «Ekoqoldaý» júıesi 30 myń tonna qaldyq jınady. ıAǵnı, 5 aıdyń ishinde 2020 jyldyń jospary asyra oryndalyp otyr. Bıyl 100 tonnadaı qaldyqty qaıta óńdeýdi josparlap otyrmyz. 2021 jyly «ÓKM Operatory» ýákiletti organnyń qoldaýymen tasymaldaýshylar ınstıtýtyn engizdi. Byltyr 23 qoqys jınaýshy, 2 kádege jaratýshy bolsa, bıyl 100 qoqys jınaýshy, 29 kádege jaratýshy nysan jumys istep tur. ıAǵnı qoqys óńdeýge mamandanǵan orta jáne shaǵyn bıznes ókilderiniń sany bıyl 11 ese ósken», - dedi seriktestik basshysy.
