«ÓKM Operatory» JShS-nyń burynǵy quryltaıshysyna izdeý jarııalandy

NUR-SULTAN. QazAqparat - Sybaılas jemqorlyqqa qarsy is-qımyl agenttigi «ÓKM Operatory» JShS basshylyǵyna jáne basqa da tulǵalarǵa qatysty asa iri mólsherde aqsha qarajatyn jymqyrý belgileri boıynsha sotqa deıingi tergep-tekserýdi jalǵastyrýda.

Agentttik taratqan aqparatqa qaraǵanda, qylmystyq is aıasynda «ÓKM Operatory» JShS burynǵy quryltaıshysy Muhtarova Shynar Oralǵazyqyzyna 2017-2018 jyldar aralyǵynda Ekologııalyq kodekstiń talaptaryn buza otyryp, oǵan 920 mıllıon teńge ıelendi degen kúdikpen izdeý jarııalandy.

Atalmysh qarjy dıvıdend túrinde zańsyz tólengen kádege jaratý alymy ekeni anyqtaldy.

Shynar Muhtarovaǵa izdeý jarııalandy jáne oǵan qatysty sot «qamaýda ustaý» túrindegi bultartpaý sharasyn sanktsııalady.

Eger sizde onyń ornalasqan jeri týraly aqparat bolsa, Agenttiktiń kórsetilgen telefondaryna habarlaýyńyzdy suraımyz: call-tsentr 1424

[phone]

«Іzdestirilip jatqan adamnyń ornalasqan jeri týraly aqparat bergeni úshin 4 000 aılyq eseptik kórsetkishke (AEK) deıin syıaqy kózdelgen»,-delingen habarlamada.