ÓKM operatory otandyq kásiporyndarǵa qalaı qoldaý jasap keledi

NUR-SULTAN. QazAqparat – Qaldyqtardy suryptap jınaý men óndirýshilerdiń keńeıtilgen jaýapkershiligi qaǵıdatyn engizý - eldiń ekonomıkalyq ári ekologııalyq damýy baǵyttarynyń biri. Osy oraıda «Radýga» JShS bas dırektorynyń orynbasary Dáýren Katranov atalǵan qaǵıdat aıasyndaǵy yntymaqtastyq qadamdary týraly aıtyp berdi, dep habarlaıdy QazAqparat tilshisi.

«Bizde Óndirýshilerdiń keńeıtilgen mindettemeleri (ÓKM) operatorymen túıisetin berneshe núkte bar. Biz qaptamany ımporttaımyz ári óndiremiz, qaldyqtardy jınaımyz jáne qaıta óńdeımiz. ÓKM operatory arqyly memlekettik qoldaýdy alamyz. Bizdiń yntymaqtastyq qaldyqtardy suryptap jınaý boıynsha ınfraqurylymdy damytýdy eskergen. Osy júıeni Petropavlda engizdik. Qazirgi kezde suryptap jınaý sapasyn arttyrý turǵysynda aýqymdy jumystardy iske asyrýdamyz. Osy qadamdardy mańyzdy talap dep sanaımyz, sebebi barsha álem osy sharalardy júzege asyryp jatyr», - dedi D. Katranov.

Osy oraıda ol bul baǵytty damytýdyń draıveri retinde bıznestiń úlesi mańyzdy ekenin atap ótti.

«Buǵan ÓKM operatory yntalandyrý jasaýda. ÓKM qaldyqtardy jınaýshylar men qaıta óńdeýshiler arasynda baılanysty qurady. Óndirýshilerdiń keńeıtilgen mindettemesi júıesi arqasynda biz túrli qazaqstandyq zaýattarmen yntymaqtastyqty bastadyq. ÓKM operatory qoldaýynsyz bul turǵyda ekonomıkalyq maqsattylyq bolmas edi. Qazir Qazaqstannyń barlyq óńirlerimen ózara baılanysty ornatyp, jumys isteýdemiz», - dedi ol.

D. Katranovtyń paıymynsha, búginde el turǵyndary qaldyqtardy suryptap jınaý mańyzdylyǵy men qajettigin túsinip otyr.