Oklahomadaǵy tornadonyń saldarynan qurban bolǵandar 90-nan asty
ASTANA. 21 mamyr. QazAqparat - Amerıkalyq Oklahoma shtatyndaǵy qatty tornadonyń saldarynan kem degende 91 adam qaza boldy. Bul týraly Oklahoma-Sıtı sot-medıtsınalyq saraptama basqarmasynyń ókili Emı Ellıott málim etti, dep habarlaıdy VVS.
Budan buryn ómiri qıylǵan 55 adam jaıynda jarııalanǵan edi. AQSh prezıdenti Barak Obama Oklahomada stıhııalyq apat tártibin engizý jaıynda jarııalady, bul óz kezeginde zardap shekkenderge federaldyq bıýdjetten kómek jasaýǵa kepildik beredi.
Oklahomanyń vıtse-gýbernatory Todd Lembtyń habarlaýynsha, qurban bolǵandardyń arasynda 20 bala bar. Olardyń keıbiri bastaýysh mektep ǵımaraty qulaý kezinde qaza boldy.
Іzdestirý sharalary arnaıy úıretilgen ıtterdiń kómegimen júrip jatyr.
Tornado kezinde jeldiń kúshi 320 shaqyrym/saǵatqa jetken kórinedi.
