Oklahomadaǵy sot ǵımaratynyń qasynda bolǵan atystan eki adam zardap shekti
ASTANA. 8 naýryz. QazAqparat - Oklahoma shtatyndaǵy Talsa qalasynyń aımaqtyq soty ǵımaratynyń qasynda bolǵan atystyń saldarynan sherıftiń orynbasary men jaıaý júrginshi zardap shekti,
dep habarlaıdy Associated Press.
23 jastaǵy qylmysker Endrıý Djozef Dennehıdiń ózi de jaraqat aldy. Bolǵan oqıǵanyń mán-jaıy anyqtalyp jatyr, dep habarlaıdy RBK.
Qala polıtsııasynyń ókili Lıland Eshlıdiń sózderinshe, jaraqat alǵan qaskóı aýyr halde jatyr. Sherıftiń eki aıaǵyna oq tıdi, biraq onyń da, jaıaý júrginshiniń de ómirlerine qaýip tóngen joq.
