Oklahomada merekelik sherýde bolǵan kólik apatynan qaza tapqandar sany artty
ASTANA. QazAqparat - Jergilikti BAQ habarlaǵandaı, Oklahomada kólik merekelik sherýge jınalǵan kórermenderdi soǵyp, tórt adam jantúrshigerlik jol apatynyń qurbanyna aınaldy. Stılýoter qalasy aýrýhanasynda eki jasar bala jan tapsyrdy. Budan buryn úsh qaza tapqandar jaıly aqparat jarııalanǵan.
Naqtylanǵan aqparattarǵa súıensek, osy oqıǵadan keıin qalalyq aýrýhanalarǵa zardap shekken 40-tan astam adam jetkizilgen. Olardyń ishinde jas balalar men egde adamdar da bar. Olardyń kópshiligi jeńil jaraqat alǵandar, olar alǵashqy kómekten keıin úılerine qaıtaryldy. Aýrýhanada aýyr jáne óte aýyr deńgeıde jaraqat alǵandar ǵana qaldy.
Budan buryn habarlanǵandaı, rýldi 25 jastaǵa áıel basqarǵan. Oǵan mas kúıinde kólik júrgizdi degen aıyp taǵyldy. Jergilikti bılik bolǵan oqıǵany qala tarıhyndaǵy eń jantúrshigerlik tragedııa dep atady.
