Oqqaǵar ózin Maıkl Djeksonnyń ulynyń ákesimin dep sendirýde
ASTANA. 20 sáýir. QazAqparat - Maıkl Djeksonnyń burynǵy oqqaǵary, 31 jasar Mett Fıdds Maıkl Djekson II - kópshilikke Blanket esimimen tanymal pop-koroldiń ulyna ákelik quqyǵyn sot arqyly dáleldeýge nıetti, dep habarlaıdy BNews.kz.
Ropcornnews.ru habarlaǵandaı, óz sózin dáleldeý úshin Fıdds DNK testin júrgizýge de daıyn. Onyń aıtýynsha, osydan birneshe jyl buryn ánshi oǵan donor bolýdy usynyp, sol qyzmeti úshin 300 myń fýnt (480 myń dollardan astam) tóleıtindigin aıtqan. Alaıda Mett aqshadan bas tartypty.
Fıddstiń sendirýinshe, «Blanket kimniń uly?» degen onyń suraǵyna Djekson: «Ol meniń ulym, biraq seniń uryǵyńdy paıdalandym», - dep jaýap bergen eken.
31 jasar oqqaǵardyń pikirinshe, Hanzada Maıkl Djekson II óziniń bıologııalyq ákesine, ıaǵnı ózine qatty uqsaıtyn kórinedi.
«Meniń bar tilegim, Blankettiń meniń ulym ekendiginiń rastalýy. Men onymen belgili bir ýaqyttarda birge bolǵym keledi. Meniń anam isik aýrýynan hál ústinde jatyr. Men anam o dúnıege attanbas buryn nemeresin kórip qalsa eken dep armandaımyn», -dep málim etti ol.
