Ókilettikterin asyra paıdalanǵan «Atyraý» stansasynyń bastyǵy sottaldy
ATYRAÝ. QazAqparat - Sot «Qazaqstan Temir Joly» UK AQ fılıaly - «Atyraý joldary bólimshesiniń» «Atyraý» temir jol stansasynyń bastyǵy Erǵazy Jumaǵuldy laýazymdyq ókilettikterin asyra paıdalanǵany úshin kináli dep tanydy, dep habarlaıdy «QazAqparat» HAA tilshisi.
«Stansa bastyǵy Qylmystyq kodekstiń «Laýazymdyq ókilettikterin asyra paıdalanǵany» jáne «Kásipkerlik qyzmetke zańsyz qatysqany» baptary boıynsha aıyptaldy. Jumaǵul jasaǵan buzýshylyqtar arasynda turyp qalǵan júk vagondaryn tóleýsiz Aqtaý portynan jóneltýge qatysqandyǵy bar. Buǵan qosa ol jeke ózi zańmen belgilengen tyıym salýǵa qaramastan, kásipkerlik qyzmetti júzege asyratyn uıymdy basqarýǵa qatysa otyryp, ulynyń JK-shi atynan qıyrshyqtas partııasyn satqan. Sotqa deıingi tergeý barysynda Jumaǵul kinásin moıyndaý týraly mámile túrinde protsessýaldyq kelisim jasady. Nátıjesinde sot ony kináli dep tapty jáne memlekettik qyzmettegi laýazymǵa ornalasý quqyǵynan ómir boıy aıyrý arqyly 2 mln 121 myń teńge somaǵa bir myńdyq aılyq eseptik kórsetkish mólsherinde aıyppul túrinde jaza taǵaıyndady», - dep habarlady oblystyq sottyń baspasóz qyzmeti.
