«Oq-Jetpes» ESK prezıdenti Qaırat Berkinbaev ómirden ozdy

ASTANA. QazAqparat – QR Prezıdenti Іs Basqarmasy Medıtsınalyq ortalyǵynyń «Oq-Jetpes» ESK» AQ prezıdenti Qaırat Sheráliuly Berkinbaev dúnıeden ótti, dep habarlaıdy QazAqparat.

Búgin 57 jasynda belgili qoǵamdyq densaýlyq saqtaý qaıratkeri, «Oq-Jetpes» emdeý-saýyqtyrý kesheniniń prezıdenti Qaırat Berkinbaev ómirden ozdy.

Q. Sheráliuly elimizde kýrort isiniń damýyna zor úles qosqan maman retinde tanymal. Qazaqstannyń iri saýyqtyrý mekemelerinde basshylyq etip, ózin daryndy uıymdastyrýshy retinde tanytty.

Qaırat Sheráliuly 1965 jyly Sozaq aýdanynda dúnıege kelgen. 2007 jyldan 2011 jylǵa deıin OQO máslıhatynyń depýtaty bolyp saılanǵan. 2011 jyldan bastap QR Prezıdenti Іs basqarmasy júıesinde qyzmet atqaryp keldi. 2019 jyly Táýelsizdik kúnine oraı, ІІІ dárejeli «Barys» ordeni memlekettik nagradasymen marapattalǵan.

Q. Berkinbaev tanymal telejúrgizýshi Láılá Sultanqyzynyń jubaıy.

«QazAqparat» agenttigi ujymy marqumnyń otbasynyń, jaqyndarynyń, áriptesteriniń qaıǵysyna ortaqtasyp kóńil aıtady.

QR Densaýlyq saqtaý mınıstri Ajar Ǵınııat áleýmettik jelidegi paraqshasynda Q. Berkinbaevtyń týystary men jaqyndaryna kóńil aıtty.

«Marqumnyń otbasy men jaqyndaryna qamqor ákesiniń jáne jubaıynyń mezgilsiz qaıtys bolýyna baılanysty qaıǵyryp kóńil aıtamyz», - dep jazdy mınıstr.

Aıta ketsek, «Oq-Jetpes» emdeý-saýyqtyrý kesheni birazdan beri halyqqa qyzmet etip keledi. Shıpajaı tarıhy sonaý 1964 jyly qolaısyzdaý nómirleri bar úsh qabatty bir ǵana ǵımarattan bastalyp, búginde úzdik shıpajaılar tiziminde kósh bastap tur.

Foto:okzhetpes-burabay.kz