Oq jaraqatymen jatqan naýqastyń sýretin WhatsApp arqyly taratyp jibergen meıirbıke jumystan qýyldy
ASTANA. QazAqparat - Reseıdiń Amýr oblysynda aýrýhanada oq jaraqatymen jatqan naýqasty zańsyz túrde sýretke túsirip, fotony WhatsApp arqyly taratqan meıirbıke qyzmetinen bosatyldy, dep habarlaıdy aımaqtyq prokýratýraǵa siltememen RIA Novostı.
«2016 jyldyń 14 aqpanyna qaraǵan túni aýrýhananyń qabyldaý bólimine oq jaraqatyn alǵan jergilikti turǵyn jetkizilgeni anyqtaldy. Oǵan medıtsınalyq kómek kórsetý kezinde hırýrgııa bóliminiń meıirbıkesi naýqastyń kelisiminsiz ony sýretke túsirip alǵan. Odan keıin sýretti WhatsApp arqyly tanysyna jibergen, óz kezeginde tanysy bul sýretti ǵalamtorda jarııalaǵan. Osylaısha naýqastyń sýreti tarap ketken», - delingen habarlamada.
RF zańnamasyna sáıkes, azamattyń medıtsınalyq qyzmetke júginýi, oǵan medıtsınalyq kómek kórsetý, densaýlyq jaǵdaıy jáne taǵy basqalary dárigerlik qupııa bolyp sanalady. Tártip buzǵan Ýtkına. A. L. esimdi meıirbıke jumystan shyǵaryldy.
