Oq tıgen Tólebı aýdany ákiminiń orynbasary aýrýhanada jatyr
TÚRKІSTAN. QazAqparat - Túrkistan oblysynda oq jaraqatyn alǵan Tólebı aýdany ákimi orynbasary Rabıǵa Beısebaevanyń jaǵdaıy turaqty. Bul týraly Leńgir qalalyq aýrýhanasynyń bas dárigeri Jandar Nyshanov málim etti, dep habarlaıdy QazAqparat tilshisi.
Bas dárigerdiń sózinshe, qazir Rabıǵa Beısebaeva dárigerlerdiń baqylaýyna alynǵan.
«Rabıǵa Beısebaeva aýrýhanaǵa keshe jetkizildi. Onyń jaǵdaıy ázirge qalypty. Bas tusyna oq janamalap ótken. Biraq asa aýyr zaqym keltirmegen. Qazir turaqty túrde bizdiń baqylaýymyzda. 2-3 kúnde aýrýhanadan shyǵarylady»,- dedi Jandar Nyshanov.
Aıta keteıik, kúni keshe Tólebı aýdany ákiminiń orynbasary Rabıǵa Beısebaevaǵa belgisiz bireýler shabýyl jasap, óltirmek bolǵan edi. Túski úzilis kezinde qyzmettik kóligimen úıine kelgen sheneýnikke úsh tulǵa oq atqan. Alaıda Rabıǵa Beısebaeva kórshileriniń arqasynda aman qaldy. Ol tez arada aýrýhanaǵa jetkizilip, sonda jatqyzylǵan bolatyn. Óńirdiń tártip saqshylary bolsa osy qylmysqa qatysy bar degen eki kúdiktini ustap, qamaýǵa aldy. Osy oqıǵa boıynsha Qylmystyq kodekstiń «Adam óltirýge oqtalý» babymen sotqa deıingi tergep-tekserý amaldary júrgizilýde. Ózge de oqıǵaǵa qatysy bolýy múmkin adamdar izdestirilip jatyr.
