Oq tıgen Nurlan Qasımov sanıtarlyq avıatsııamen Astanaǵa jetkizildi
ASTANA. QazAqparat - Iyǵyna oq tıip jaralanǵan Pavlodar oblystyq densaýlyq saqtaý basqarmasynyń basshysy Nurlan Qasımov Astanaǵa jetkizildi, dep habarlaıdy QazAqparat.
«Nurlan Qasımov 26 jeltoqsan kúni respýblıkalyq sanıtarlyq avıatsııa kóligimen respýblıkalyq travmatologııa ortalyǵyna jetkizildi. Medıtsınalyq kómek tolyq kólemde kórsetildi. Jaǵdaıy turaqty», - dedi oblystyq densaýlyq saqtaý basqarmasynyń baspasóz qyzmetinen.
Baspasóz qyzmeti aqparatyna qaraǵanda, 51 jastaǵy Nurlan Qasımov 25 jeltoqsan kúni Ǵ.Sultanov atyndaǵy oblystyq aýrýhananyń travmatologııa bólimshesine jetkizilgen. Buǵan deıin oblystyq densaýlyq saqtaý basqarmasy basshysynyń ańshylyq qarýmen abaısyzda ózin jaraqattap alǵandyǵy habarlanǵan bolatyn. Ol ańshylyqtan keıin qarýyn bólshektemek bolǵan.
