Oq-dáriler men jarylǵysh zattardy kádege jaratý Ónerkásip jáne qurylys mınıstrligine beriledi
Májilis otyrysynda oq-dáriler men jarylǵysh zattardy kádege jaratý, obektilerdiń óndiristik qyzmetin uıymdastyrý jáne qaýipsizdigin qamtý fýnktsııasyn Ónerkásip jáne qurylys mınıstrliginiń quzyretine berý usynyldy, dep habarlaıdy QazAqparat tilshisi.
«Qorǵanys ónerkásibi men memlekettik qorǵanys tapsyrysyn retteıtin zań 2019 jylǵy 18 naýryzda qabyldandy. ıAǵnı, 4 jyl ǵana ótti. Májiliste ótken is-sharalar barysynda birqatar problema anyqtaldy. Osyǵan baılanysty bir top depýtat qaralyp otyrǵan zań jobasyna bastmashy boldy.Birinshiden, Ónerkásip jáne qurylys mınıstrligine, oq-dáriler men jarylǵysh zattardy kádege jaratý, obektilerdiń óndiristik qyzmetin uıymdastyrý jáne qaýipsizdigin qamtý fýnktsııasyn berý usynylady. Bul qujat aldymen jaramdylyq merzimi ótken oq-dárilerdi kádege jaratýmen aınalysatyn «Qaztehnologııa» uıymynyń qyzmeti úshin qajet», - dedi Májilistiń halyqaralyq ister, qorǵanys jáne qaýipsizdik komıtetiniń tóraǵasy Aıgúl Quspan.
Halyq qalaýlysynyń aıtýynsha, zań jobasynda qarý-jaraq pen áskerı tehnıkany jóndeýdi ońaılatý jáne jedeldetý maqsatynda memlekettik satyp alý qaralady.
«Al ortasha nemese kúrdeli jóndeý, qozǵaltqyshtar men berilis qoraptar jáne taǵy sol sııaqty mindetterdi Ónerkásip jáne qurylys mınıstrliginde qaldyrý qajet dep sanaımyz. Sebebi atalǵan suraqtar muqııat pysyqtaýdy talap etedi. «Memlekettik qorǵanystyq tapsyrysy týraly» zańnyń qoldanystaǵy normalary sharttyń oryndalý merzimin ózgertýge múmkindik bermeıdi», - deıdi ol.
Onyń málimdeýinshe, zańnyń qabyldanýy qorǵanys-ónerkásip kesheni qyzmetiniń tıimdiligin jáne elimizdiń qorǵanys qabiletin arttyrýǵa yqpal etedi.
Aıta keteıik, qazir Májiliste «Qazaqstan Respýblıkasynyń keıbir zańnamalyq aktilerine qorǵanys ónerkásibi jáne memlekettik qorǵanystyq tapsyrys máseleleri boıynsha ózgerister men tolyqtyrýlar engizý týraly» Qazaqstan Respýblıkasy Zańynyń jobasy qaralyp jatyr.
