Oq-dárilerdi, qarý-jaraq pen áskerı tehnıkany óndirý, alý jáne ótkizý jónindegi qyzmetti júzege asyrý úshin qoıylatyn biliktilik talaptary bekitildi
ASTANA. 2 qazan. QazAqparat - «Qosa berilip otyrǵan montajdaýdy, retteýdi, jańǵyrtýdy, ornatýdy, paıdalanýdy, saqtaýdy, jóndeýdi jáne servıstik qyzmet kórsetýdi qosa alǵanda, oq-dárilerdi, qarý-jaraq pen áskerı tehnıkany, olardyń qosalqy bólshekterin, jıyntyqtaýshy buıymdary men aspaptaryn, sondaı-aq olardy óndirýge arnalǵan arnaıy materıaldar men jabdyqtardy ázirleý, óndirý, jóndeý, alý jáne ótkizýdi lıtsenzııalaýdyń keıbir máseleleri týraly» 2013 jyldyń 29 mamyryndaǵy №531 QR Úkimetiniń qaýlysy jarııalandy.
Qazaqstan Respýblıkasy Úkimetiniń qaýlysy
«Lıtsenzııalaý týraly» 2007 jylǵy 11 qańtardaǵy Qazaqstan Respýblıkasy Zańynyń 6-babyna sáıkes Qazaqstan Respýblıkasynyń Úkimeti QAÝLY ETEDІ:
1. Qosa berilip otyrǵan montajdaýdy, retteýdi, jańǵyrtýdy, ornatýdy, paıdalanýdy, saqtaýdy, jóndeýdi jáne servıstik qyzmet kórsetýdi qosa alǵanda, oq-dárilerdi, qarý-jaraq pen áskerı tehnıkany, olardyń qosalqy bólshekterin, jıyntyqtaýshy buıymdary men aspaptaryn, sondaı-aq olardy óndirýge arnalǵan arnaıy materıaldar men jabdyqtardy ázirleý, óndirý, jóndeý, alý jáne ótkizý jónindegi qyzmetti júzege asyrý úshin qoıylatyn biliktilik talaptary jáne olarǵa sáıkestikti rastaıtyn qujattar tizbesi bekitilsin.
2. Qazaqstan Respýblıkasy Indýstrııa jáne jańa tehnologııalar mınıstrliginiń Ónerkásip komıteti montajdaýdy, retteýdi, jańǵyrtýdy, ornatýdy, paıdalanýdy, saqtaýdy, jóndeýdi jáne servıstik qyzmet kórsetýdi qosa alǵanda, oq-dárilerdi, qarý-jaraq pen áskerı tehnıkany, olardyń qosalqy bólshekterin, jıyntyqtaýshy buıymdary men aspaptaryn, sondaı-aq olardy óndirýge arnalǵan arnaıy materıaldar men jabdyqtardy ázirleý, óndirý, jóndeý, alý jáne ótkizý boıynsha qyzmetti júzege asyrý jónindegi lıtsenzıar bolyp belgilensin.
3. Mynalardyń kúshi joıyldy dep tanylsyn:
1) «Montajdaýdy, retteýdi, jańǵyrtýdy, ornatýdy, paıdalanýdy, saqtaýdy, jóndeýdi jáne servıstik qyzmet kórsetýdi qosa alǵanda, oq-dárilerdi, qarý-jaraq pen áskerı tehnıkany, olardyń qosalqy bólshekterin, jınaqtaýshy buıymdary men aspaptaryn, sondaı-aq olardy óndirýge arnalǵan arnaıy materıaldar men jabdyqtardy ázirleý, óndirý, jóndeý, alý jáne ótkizý jónindegi qyzmetke qoıylatyn biliktilik talaptaryn bekitý týraly» Qazaqstan Respýblıkasy Úkimetiniń 2008 jylǵy 4 aqpandaǵy № 93 qaýlysy (Qazaqstan Respýblıkasynyń PÚAJ-y, 2008 j., № 4, 50-qujat);
2) «Oq-dárilerdi, qarý-jaraq pen áskerı tehnıkany, olardyń qosalqy bólshekterin, jınaqtaýshy buıymdary men aspaptaryn, sondaı-aq montajdaýdy, retteýdi, paıdalanýdy, saqtaýdy, jóndeýdi jáne servıstik qyzmet kórsetýdi qosa alǵanda, olardy óndirýge arnalǵan arnaıy materıaldar men jabdyqtardy ázirleý, óndirý, jóndeý, satyp alý jáne satý jónindegi qyzmetti lıtsenzııalaý erejesin jáne oǵan qoıylatyn biliktilik talaptaryn bekitý týraly» Qazaqstan Respýblıkasy Úkimetiniń 2008 jylǵy 4 aqpandaǵy № 93 qaýlysyna ózgerister engizý týraly» Qazaqstan Respýblıkasy Úkimetiniń 2012 jylǵy 31 mamyrdaǵy № 718 qaýlysy (Qazaqstan Respýblıkasynyń PÚAJ-y, 2012 j., № 54, 733-qujat).
4. Osy qaýly alǵashqy resmı jarııalanǵanynan keıin kúntizbelik jıyrma bir kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
Qaýlynyń tolyq mátini respýblıkalyq BAQ-tarda jarııalandy.
