Oq-dári qoımalaryna taqaý salynǵan nysandar súriledi - Qorǵanys mınıstrligi

NUR-SULTAN. QazAqparat - Oq-dári qoımalaryna taqaý salynǵan jekemenshik nysandar súriledi. Bul týraly QR Qorǵanys mınıstriniń orynbasary, general-maıor Baqyt Qurmanbaev aıtty, dep habarlaıdy QazAqparat tilshisi.

«Qarýly kúshterdiń ózge de áskerler men áskerı quramalardyń arsenaldar, bazalary men qoımalary janyndaǵy tyıym salynǵan aýmaqtar men aýdandar máseleleri jónindegi qabyldanǵan túzetýlerge sáıkes, oq-dári qoımalary tóńiregindegi aýmaq ulǵaıtyldy. Onda eshqandaı jekemenshik qurylys nysany bolmaýy tıis», - dedi Baqyt Qurmanbaev BAQ ókilderimen kezdesýi barysynda.

Sonymen qatar ol oq-dári qoımalaryna taqaý salynǵan qurylys nysandarynyń barlyǵy súriletindigin aıtty.

«Osyǵan baılanysty búgingi kúni ulǵaıtylǵan aýmaqta salynǵan nysandardy súrý jáne olardyń ıelelerine ótemaqy tóleý qarastyrylyp otyr», - dedi Qorǵanys mınıstriniń orynbasary.