«Oil Transport Corporation» kásipornyndaǵy tekseristen keıin úsh basshy sottaldy

ASTANA. KAZINFORM — Mańǵystaý oblysynda munaı-gaz salasyndaǵy qarjy jymqyrý deregi boıynsha sot úkimi shyqty, dep habarlaıdy oblystyq prokýratýranyń baspasóz qyzmeti.

Ótken jyly Mańǵystaý oblysy prokýratýrasy munaı-gaz kásiporyndarynda tekserýler júrgizdi. Tekseris nátıjeleri boıynsha «Oil Transport Corporation» JShS qyzmetinde jabdyqty qabyldaý kezinde buzýshylyqtar anyqtalyp, sotqa deıingi tergep-tekserýler bastaldy.

— Tergeý aıasynda 3 adam ustaldy, onyń ishinde kásiporyn men merdiger kompanııa basshylary da bar. Sot barlyq tulǵalardy kináli dep tanyp, ártúrli jaza túrlerin taǵaıyndady. Atap aıtqanda, kásiporyn bas dırektorynyń orynbasary laýazymdyq ókilettigin teris paıdalanyp, aýyr zardaptarǵa ákep soqqan áreketi úshin sottaldy. Sot oǵan 3 jyl merzimge bas bostandyǵyn shekteý jazasyn taǵaıyndady. Merdiger kompanııanyń eki ókili árqaısysyna 2 jyl merzimge bas bostandyǵyn shekteý jazasy qoldanyldy, — delingen habarlamada.

Vedomstvo málimetinshe, sottyń qylmystyq isti máni boıynsha qaraýy barysynda sottalǵandar 250 mln teńge kóleminde shyǵyndy ótegen. Úkim zańdy kúshine endi.

Budan buryn Aqtaýda «QazAzotqa» atmosferany lastaǵany úshin 8,5 mln teńgege aıyppul salynǵanyn jazǵan edik.