«Ohotzooprom» fılıalynyń basshysy ustalǵany ras pa — UQK jaýap berdi
ASTANA. KAZINFORM — Ulttyq qaýipsizdik komıteti «Ohotzooprom» RMQK Batys óńirlik fılıalynyń basshysy Arman Qujahmetovtiń ustalǵany týraly aqparattan keıin sotqa deıingi tergeý júrgizilip jatqanyn habarlady.
Qazaqstannyń Ulttyq qaýipsizdik komıteti buqaralyq aqparat quraldary men áleýmettik jelilerde «Ohotzooprom» RMQK Batys óńirlik fılıalynyń basshysy Arman Qujahmetovtiń ustalǵany týraly aqparat taraǵannan keıin Kazinform joldaǵan saýalǵa jaýap berdi.
Kazinform agenttigi atalǵan aqparatqa baılanysty UQK-den resmı túsinikteme surady.
— Sotqa deıingi tergeý júrgizilip jatqanyn habarlaımyz. Qazaqstan Respýblıkasy Qylmystyq-protsestik kodeksiniń 201-babynyń 1-bóligine sáıkes ózge aqparat jarııa etýge jatpaıdy, — delingen Komıtet jaýabynda.
Ulttyq qaýipsizdik komıteti tergeýdiń mán-jaıyn naqtylaǵan joq.
Buǵan deıin UQK Aqtaý qalasy ákimshilik polıtsııasy bastyǵyna qatysty tergeý júrgizilip jatqanyn rastaǵan bolatyn.
