«Ohotzooprom» basshylyǵy kıik atqan ınspektorlar týraly aıtty
Onyń sózine qaraǵanda, «Ohotzooprom» kúshimen qorǵalatyn aýmaq 123 mln gektardy qurap otyr. Kásiporynda 5 óńirlik fılıal jumys isteıdi jáne onyń quramynda 220 ınspektor, sondaı-aq jedel toptaǵy 36 ınspektor qyzmet etýde. Ótken jyly brakonerlerden 285 kıik pen onyń 339 múıizi tárkilendi.
«Jasyratyny joq, brakonerlikke qatysy bar ınspektorlar da kezdesip jatady. Bıylǵy 17 naýryzda Qorǵaljyn memlekettik tabıǵı qoryǵynyń aýmaǵynda 108 kıikti atý faktisi anyqtaldy. Brakonerler negizinen kıiktiń atalyǵyn atqan. Olardyń arasynda bizdiń 2 ınspektor da bar. Qazirgi kezde tergeý amaldary jalǵasýda jáne kúdikti ınspektorlar ustaldy», - dedi J. Tańsyqbaev Aýyl sharýashylyǵy mınıstrliginde ótken baspasóz máslıhatynda.
Sonymen qatar ol jaqynda Batys Qazaqstan oblysynda qos turǵyn kıik múıizderimen ustalǵanyn eske saldy.
Tekserý kezinde 2 adam mingen kólikten 10 dana kıik múıizi, pyshaq pen ara, 2 qarý jáne oq-dári tabyldy. Anyqtalǵandaı, avtokólik salonynda Qaztalov aýdanynyń turǵyny men «Ohotzooprom» RMQK ınspektory bolǵan.
«Kıikterdi qorǵaý sharalary kúsheıgen saıyn bul janýarǵa degen suranys pen qara naryqta tólenetin baǵa da ósip keledi. Osy oraıda múıizder ótkiziletin jerlerdi, kontrabandalyq jelilerdi joıý sharalaryna ekpin qoıý kerek. ıAǵnı suranys bolmasa, onda usynys ta shekteledi. Sonymen qatar ınspektorlardyń eńbekaqysyn kóterý máselesi de búginde ózekti bolyp tur», - dedi Jannat Tańsyqbaev.