Ógeı ákesi bar otbasylardyń jaǵdaıy tekserile me – vıtse-mınıstr jaýap berdi

ASTANA. QazAqparat – Oqý-aǵartý mınıstrligine ógeı ákesi bar otbasylardyń jaǵdaıyn tekserý týraly resmı usynys túspegen. Ortalyq kommýnıkatsııalar qyzmetinde ótken brıfıngide vıtse-mınıstr Edil Ospan osyndaı málimdeme aıtty, dep habarlaıdy QazAqparat tilshisi.

«Bas prokýratýrada ótken vedomstvoaralyq keńeste ógeı ákesi bar otbasylardy tekserý týraly usynys aıtyldy. Bul usynys iske asa ma?» - dep surady jýrnalıst.

Edil Ospannyń aıtýynsha, mınıstrlik mundaı usynysty talqylaýǵa ázir. Tek resmı túrde usynys túsýi kerek.

Ógeı ákelermen turatyn otbasylardy tekserý máselesine qatysty aıtsaq, ár usynysty jan-jaqty qaraımyz. Bizge dál mundaı usynys resmı túrde túsken joq, - dedi vıtse-mınıstr.