Ogaıo shtatynda eki jasar sábı júkti anasyn atyp tastady
Qaıǵyly oqıǵa ótken aptada Norýolk qalasynda bolǵan, biraq ol týraly endi ǵana belgili boldy. Jergilikti polıtsııanyń habarlaýynsha, 31 jastaǵy Lora Ilg 911 nómirine qońyraý shalyp, dıspetcherge júktiliktiń 33 aptasynda ekenin jáne eki jasar uly arqasyna oq atqanyn habarlaǵan.
Oqıǵa ornyna polıtsııa qyzmetkerleri onyń alǵashqy qońyraýynan úsh mınýt ótken soń 13:14-te jetken. Anasy da, eki jasar uly da joǵarǵy qabattaǵy jatyn bólmeden tabylady. Tapansha da sonda bolǵan. Anasynyń ótinishi boıynsha uly bólmeden shyǵarylǵan.
Júkti áıel Fısher Tıtýs medıtsınalyq ortalyǵyna jetkizilip, shuǵyl túrde kesar tiligi jasaldy. Loranyń ishtegi balasy 911 qyzmetine qońyraý shalǵannan keıin bir saǵatqa jetpeı qaıtys bolǵany anyqtaldy, al áıeldiń ózi saǵat 17:10-da kóz jumdy.
Uly anasyn SIG Sauer P365 tapanshasymen atqan. Ilg pen onyń kúıeýi myltyq jatyn bólmedegi týmbochkada saqtalǵanyn aıtty. Polıtsııanyń habarlaýynsha, úıde taǵy 12 kalıbrli sholaq myltyq pen pnevmatıkalyq tapansha bolǵan.
Eshqandaı aıyp taǵylǵan joq. Polıtsııa tergeý nátıjesi jergilikti prokýratýraǵa beriletinin málimdedi.
