Oǵan eshqandaı aıyp taǵylyp otyrǵan joq – SІM Gonkongte ustalǵan Qazaqstan azamaty jaıly
«Osydan bir-eki kún buryn 209 qazaqstandyq stýdenttiń elge oralǵanyn habarlaǵan bolatynbyz. 32 stýdent Gonkongte qalýǵa ózderi nıet bildirdi. Óıtkeni, olar ózderin qaýipsiz sezinip otyr. 17 stýdent jaqyn arada qaıtamyz dep sheshti. Aıta ketý kerek, Gonkongte arnaıy tótenshe jaǵdaı engizilgen joq. Sondyqtan, basqa týrıster nemese Qazaqstan azamattary ol jerde bola beredi», - dedi QR SІM resmı ókili Aıbek Smadııarov vedomstvoda ótken baspasóz máslıhatynda ótken baspasóz máslıhatynda.
Aıbek Smadııarovtyń aıtýynsha, QR SІM-niń ótken aptadaǵy úndeýi sol jaqtaǵy stýdentterge arnalǵan.
«Oqý kelesi jyldyń qańtaryna deıin toqtatyldy. Onlaın-rejimde sabaq oqı berýge bolady. Alaıda bizdiń azamattar sol jerde qalǵan jaǵdaıda tótenshe jaǵdaıǵa tap bolyp jatsa, bizdiń Bas konsýlǵa mindetti túrde habarlasý kerek. Qaı kóshede narazylyqtyń bolyp jatqanyn bizdiń konsýldyń veb-saıtynan kórýge bolady», - dedi ol.
QR SІM resmı ókili sonymen qatar, sol jaqta tutqynǵa alynǵan qazaqstandyq stýdent týraly da sóz etti.
«Qazirgi tańda tergeý júrip jatyr. Áke-sheshesi Gonkongke búgin ushyp keldi. Bizdiń dıplomattar birneshe ret ol jigitpen kezdesti. Tergeý oqshaýlaǵyshyndaǵy ustaý jaǵdaıyna eshqandaı shaǵym joq. Densaýlyǵy jaqsy. Oǵan qajetti zattardyń bári aparyldy. Advokat tabyldy. Endi tergeý nátıjesin kútemiz. Ol birinshi kýrstyń stýdenti. Oǵan áli eshqandaı aıyp taǵylmady», - dedi ol.
Eske sala ketsek, Gonkong qalasynda narazylar men polıtsııa arasyndaǵy qaqtyǵys kezinde Qazaqstan azamaty ustalǵany habarlanǵan bolatyn.
«Gonkong qalasy polıtsııasynyń qazaqstandyq dıplomattarǵa usynǵan aqparatyna sáıkes, 18 qarasha kúni narazylyq tanytýshylarmen qaqtyǵys barysynda Qazaqstan azamaty, Gonkong Baptıst ýnıversıtetiniń birinshi kýrs stýdenti Núkpı Ábilqaıyr ustalǵan. Konsýl azamatymyzǵa bardy, onyń densaýlyq jaı-kúıi turaqty, oń qolynyń shyntaǵynda ustaý kezinde qulaǵat sátte alǵan azdaǵan jaraqaty bar. Ustalý jaǵdaıyna eshqandaı shaǵymy joq», - dep atap ótken edi mınıstrlikten.
Buǵan deıin Qazaqstannyń Gonkongtegi Bas konsýldyǵy Gonkongtegi (QHR) jaǵdaıdyń shıelenisýine jáne jappaı narazylyq aktsııalarynyń jalǵasýyna baılanysty elimizdiń azamattaryna qalada qalyptasqan tótenshe jaǵdaıdy eskerýdi ótingen bolatyn.
Buǵan qosa QR Syrtqy ister mınıstrliginiń resmı ókili Aıbek Smadııarov sol jaqtaǵy qazaqstandyq stýdentterdi elge oralýǵa shaqyrǵan edi.
