Oǵan aıyppul salynyp, qyzmetinen alynǵan – Jetisý ákimi ózen jaǵasynan máıiti tabylǵan bilim bóliminiń eks-basshysy jaıly
Ortalyq kommýnıkatsııalar qyzmetinde ótken brıfıngide BAQ ókilderi oblys basshysynan ózen jaǵasynan máıiti tabylǵan burynǵy Taldyqorǵan qalalyq bilim bólimi basshysynyń ólimine qatysty mán-jaılardy surady.
«Keshe Qaratal ózeniniń jaǵasynan Taldyqorǵan qalalyq bilim bóliminiń burynǵy basshysy Roza Barmanovanyń máıiti tabyldy. Qazirgi ýaqytta ony quzyrly organdar tekserip jatyr. Ras, Taldyqorǵan qalalyq bilim bóliminiń býhgalterlerine qatysty úlken qylmystyq is qozǵaldy. Men aldyn ala esh nárse aıta almaımyn. Marqum Roza Barmanovanyń bul iske qatysy bar ma, joq pa degen saýalǵa jaýap quqyq qorǵaý organdarynyń tergeý nátıjesinde anyqtalady. Meniń biletinim, Roza Barmanova byltyr tamyz nemese qyrkúıek aıynda basqa bir zań buzýshylyq, atap aıtqanda mektep gajdetterine baılanysty is qozǵalyp, jumysynda kemshilikter bolyp, ol kisige aıyppul salyndy. Keıin ol kisi qyzmetinen alynǵan bolatyn», - dep jaýap berdi Beıbit Isabaev.
Eske salaıyq, keshe Taldyqorǵannyń bilim salasyn 2016-2022 jyldary basqarǵan Roza Barmanovanyń múrdesi Qaratal ózeniniń jaǵasynan tabyldy.
