Ofıtserlerge Saǵadat Nurmaǵambetov atyndaǵy kýbok pen tósbelgi berilmek
ASTANA. KAZINFORM – Qyzmettik mindetterin úlgili oryndaǵany, shyǵarmashylyq belsendiligi, minsiz qyzmeti jáne qyzmettik istegi basqa da jetistikteri úshin áskerı qyzmetshilerge «Halyq Qaharmany armııa generaly Saǵadat Qojahmetuly Nurmaǵambetov» kýbogy men tósbelgisi berilmek. Jańa nagradaǵa qatysty resmı qujat ashyq NQA portalynda jarııalandy.
Naqyraq aıtqanda, Qorǵanys mınıstriniń 2017 jylǵy 16 tamyzdaǵy «Derbestendirilgen belgilerdiń, omyraýǵa taǵatyn belgilerdiń jáne ózge de áskerı-geraldıkalyq belgilerdiń, áskerı oqý oryndaryn bitirgeni týraly, synypty mamandarǵa arnalǵan belgilerdiń, áskerı-qoldanbaly, qyzmettik-qoldanbaly, tehnıkalyq jáne basqa da sporttyq is-sharalardyń júldegerlerine arnalǵan nagradalyq medaldardyń (belgilerdiń) sıpattamasyn, sondaı-aq olardy berý jáne Qarýly Kúshteri áskerı qyzmetshileriniń taǵyp júrý tártibin bekitý týraly» № 461 buıryǵyna mynadaı ózgerister engiziledi:
— «Halyq Qaharmany armııa generaly Saǵadat Qojahmetuly Nurmaǵambetov» kýbogy keıinnen altyndy ımıtatsııalaıtyn (altyn, altyn tústes) qorǵanysh jabyn jaǵylyp qoladan quıylyp jasalady. Qalqandaǵy «ARMIıA GENERALY SAǴADAT QOJAHMETULY NURMAǴAMBETOV» degen jazýlar men «MІNDET, ABYROI, ERLІK» degen uran jez plastınadan qalyptaý jolymen jasalady, negizi — jyltyr, bederi — kúńgirt. Kýbok tuǵyrynyń tómengi bóliginde nagradtalýshynyń derekterin engizýge arnalǵan taqtaısha japsyrylǵan. Kýboktyń tuǵyry qara kók tústi tastan jasalady. Negizinen bıiktigi 300 mm quraıdy. Eni — 115 mm.»;
— Qazaqstan Respýblıkasynyń tuńǵysh Qorǵanys mınıstri «Halyq Qaharmany armııa generaly Saǵadat Qojahmetuly Nurmaǵambetov» tósbelgisi qyzmettik mindetterin úlgili oryndaǵany, shyǵarmashylyq belsendiligi, minsiz qyzmeti jáne qyzmettik istegi basqa da jetistikteri úshin áskerı qyzmetshilerdiń eńbegin yntalandyrý maqsatynda ofıtser quramyn nagradtaýdyń erekshe túri sanalady.
Tuńǵysh Qorǵanys mınıstriniń tósbelgisimen nagradtaý úshin kandıdattardy irikteýdi oqý jylyndaǵy qyzmettik is qorytyndysy boıynsha Qorǵanys mınıstrligi men Qarýly kúshteri Bas shtaby qurylymdyq bólimsheleri basshylarynyń, ásker túrleri bas qolbasshylarynyń, óńirlik qolbasshylyqtar áskerleri (ásker tekteri) qolbasshylarynyń, bas basqarmalar bastyqtarynyń usynýy boıynsha Qarýly kúshteri Bas shtabynyń Jaýyngerlik daıarlyq departamenti júrgizedi, sodan keıin irikteýden ótken kandıdatýra Qorǵanys mınıstrine bekitýge engiziledi.
Tuńǵysh Qorǵanys mınıstriniń tósbelgisimen oqý jylynyń qorytyndysy boıynsha jaýyngerlik daıarlyqta, bólimshede áskerı tártipti, qatań jarǵylyq tártipti jáne áskerdiń joǵary jaýyngerlik ázirligin ustaýda qol jetkizgen jetistigi (oqýdaǵy jáne ǵylymı jumystaǵy jetistigi) úshin brıgada (polk, baza) komandıri jáne odan joǵary Qazaqstan Respýblıkasy Qarýly Kúshteriniń áskerı qyzmetshileri nagradtalady. Tósbelgimen nagradtaý týraly Qorǵanys mınıstriniń tıisti buıryǵy shyǵarylady. Belgimen qaıta nagradtaý júrgizilmeıdi.
Buǵan deıin «Aıbyn» ordeniniń ártúrli dárejelerine Saǵadat Nurmaǵambetov, Baýyrjan Momyshuly jáne Rahymjan Qoshqarbaev esimderi berilgenin jazǵan edik.