Ofıtserlerdi jańa formatta daıarlaý: elordada Ulttyq ulan basshylyǵynyń jıyny ótýde
Astanada Ulttyq ulannyń 5573 áskerı bóliminiń bazasynda QR Іshki ister mınıstri polıtsııa general - leıtenanty Erjan Sádenov pen Іshki ister mınıstriniń orynbasary — Ulttyq ulannyń Bas qolbasshysy general-leıtenant Erkin Botaqanovtyń basshylyǵymen, áskerdiń komandalyq quramymen bes kúndik jedel jıyn bastaldy.
Kásibı deńgeıdi jetildirýge elýden astam polıtsııa departamentteriniń ofıtserleri men basshylary, elimizdiń barlyq óńirlerindegi Ulttyq ulan arnaıy bólimsheleriniń komandırleri qatysýda.
Jıynnyń negizgi maqsattary — kásibı-laýazymdyq daıarlyq deńgeıin arttyrý, sondaı-aq Іshki ister mınıstrliginiń quqyqtyq aktileriniń talaptary týraly biryńǵaı túsinik qalyptastyrý bolyp tabylady.
Sabaq kestesine sáıkes jıyndardy ótkizý baǵdarlamasynda demonstratsııalyq, nusqaýshy-ádistemelik jáne praktıkalyq sabaqtar ótkizý kózdelgen. Sondaı-aq ofıtserlerge áskerdiń qyzmettik-jaýyngerlik is-áreketiniń negizgi basymdyqtaryn aıqyndaıtyn basshylyq qujattar men dırektıvalardyń erejeleri jetkiziletin bolady.
Sabaqtyń negizgi bóligi elordalyq brıgada bazasynda, sondaı-aq QR Ulttyq ulanynyń "Qaptaǵaı" birikken oqý ortalyǵynda jáne QR Memlekettik kúzet qyzmetiniń "Maılan" oqý polıgonynda ótedi.
Osylaısha, jıynnyń birinshi kúni ofıtserlermen tikushaq alańdaryn jabdyqtaý tártibi boıynsha keshendi sabaqtar, tegis uńǵyly myltyqtardan atý jáne granata laqtyrý, jıyntyq taktıkalyq toptardyń jaýyngerlik tártibin kórsetý, sondaı-aq "Daǵdarys jaǵdaıynda aqparattyq keńistiktegi qaýip-qaterlerge qarsy is-qımyl" taqyrybynda memlekettik-quqyqtyq daıyndyq boıynsha dáris ótkizildi.
Jıyn jetekshisi, jaýyngerlik daıarlyq bas basqarmasynyń bastyǵy polkovnık Nurlan Muhamedovtyń aıtýynsha, jıyn mindeti laýazymdy tulǵalardyń kásibı deńgeıin arttyrý boıynsha biryńǵaı tásildi ázirleý, ozyq tájirıbemen almasý, komandırlerdiń atys, dene shynyqtyrý jáne ádistemelik daıarlyǵyn tekserý bolyp tabylady.
— Osyndaı sabaqtardyń arqasynda ofıtserler ózderiniń fýnktsıonaldyq mindetterin sheber jáne senimdi oryndaý úshin kásibı daıyndyqty jetildiredi. Sondyqtan Joǵarǵy Bas Qolbasshynyń, Іshki ister mınıstriniń jáne Ulttyq ulan Bas Qolbasshysynyń tapsyrmasy boıynsha jańa formatta Ulttyq ulan jeke quramynyń jaýyngerlik daıarlyq deńgeıin arttyrýǵa basty nazar aýdaramyz, - deıdi polkovnık Nurlan Muhamedov.
Aıta keteıik, erteń komandırlermen "Maılan" oqý polıgony bazasynda quqyqtyq tártip áskerindegi qarý-jaraq jáne tehnıka túrlerinen praktıkalyq atys normatıvterin pysyqtaý boıynsha praktıkalyq sabaqtar ótedi.
17 shildede jıyndy qorytyndylaý jáne úzdik nátıje kórsetken ofıtserlerdi marapattaý josparlanyp otyr.
