Ofıtserler men sarbazdardyń ata-anasyna arnalǵan WhatsApp chattar ne úshin quryldy

ASTANA. KAZINFORM – QR Qorǵanys mınıstrliginiń resmı ókili Rýslan Jangýlın Qazaqstan armııasynda áskerge shaqyrylǵandardyń ata-analarymen WhatsApp chaty nelikten qurylǵanyn túsindirdi.

«Sarbazdar áskerı bólimge kelgennen bastap, áskerı boryshyn aıaqtaǵanǵa deıin komandırlerdiń qamqorlyǵynda bolady. Sonymen qatar, qazir ata-analar men sarbazdarǵa jaýapty ofıtserlerdiń arnaıy chattary ashyldy. Bul turǵyda osy chat arqyly ata-analar ofıtserlerge balalarynyń qyzmet ótkerýine qatysty kez kelgen suraqty qoıyp, jaýap alady», - dedi R.Jangýlın Parlament Májilisinde tilshiler suraǵyna jaýap bere otyryp.

Onyń aıtýynsha, aptasyna eki ret merzimdi áskerı qyzmettegi ár sarbaz óz týystarymen vıdeo arqyly baılanysqa shyǵa alady. Osy oraıda bólimsheler arnaıy planshettermen qamtamasyz etilgen.

Budan buryn habarlanǵandaı, Qazaqstan áskerindegi zańsyz áreketterdi anyqtaý úshin beınebaqylaý júıesi jańartylmaq. Beınebaqylaý kameralary jasandy ıntellekt arqyly basqarylatyn bolady.