Ofıtserlerdi kezekten tys attestattaý olardyń kásibı deńgeılerin arttyrýǵa baǵyttalǵan - podpolkovnık T.Tájikbaev
ASTANA. 10 maýsym. QazAqparat - Ofıtserlerdi kezekten tys attestattaý olardyń kásibı deńgeılerin arttyrýǵa baǵyttalǵan.
Mundaı pikirdi №53975 áskerı bólimniń komandıri, podpolkovnık Talǵat Tájikbaev Memleket basshysynyń tapsyrmasymen elimizdiń quqyq qorǵaý organdary qyzmetkerlerin kezekten tys attestattaýǵa baılanysty bildirdi.
"Kezekten tys attestattaýdyń maqsaty - ofıtserdiń kásibı deńgeıin jáne onyń ol laýazymǵa jaramdylyǵyn baǵalaý. Ofıtserlerdi kezekten tys attestattaý olardyń kásibı deńgeılerin arttyrýǵa baǵyttalǵan. Attestattaý qorytyndysy boıynsha ony qandaı laýamyzda paıdalanýǵa bolady, múmkin ony odan da joǵary laýazymǵa taǵaıyndaý kerek shyǵar degen máselemen usynys ázirlenedi", dedi ol.
Onyń atap ótýinshe, attestattaýdan ótetin ofıtserlerge ózderiniń qyzmettik mindetterin tolyq kólemde oryndaý, fızıkalyq daıyndyǵy men psıhologııalyq turaqtylyǵy, normatıvtik-quqyqtyq bazany, jarǵylardy, zańdar men basqa da aktilerdi bilýi talap etiledi.
T.Tájikbaevtyń sózine qaraǵanda, attestattaý obektıvti túrde ótýde ári ofıtserlerdiń kásibı deńgeıde ósýi úshin usynystar beriledi.
